લુણાવાડામાં મધ્ય રાત્રીએ વરસ્યો ધોધમાર વરસાદ:શહેરમાં છેલ્લા 24 કલાકમાં અઢી ઇંચ વરસાદ વરસતા ધરતી પુત્રોમાં ખુશી

ગઈ કાલે સાંજના સમયે વરસેલા વરસાદ બાદ મહીસાગરના લુણાવાડા શહેરમાં મધ્ય રાત્રીએ ફરથી મેઘમહેર થઈ હતી. મધ્ય રાત્રી દરમિયાન ગાજવીજ સાથે ધોધમાર વરસાદ વરસ્યો જેના કારણે રાત્રીએ વાતાવરણમાં ઠંડક પ્રસરી હતી થોડી વારમાં મેઘરાજાએ રસ્તાઓ પાણી પાણી કરી દીધા.લુણાવાડામાં છેલ્લા 24 કલાક દરમિયાન અઢી ઇંચ વરસાદ વરસ્યો છે જેથી માંડવી બજાર,હુસેની ચોક હટાડીયા બજાર,પીપળી બજાર અને દરકોલી દરવાજા માંથી ગુટણ સમાં પાણી વહેવા લાગ્યા હતા તો વરસાદ વરસતા જ ખેડૂતોને પણ થોડી રાહત મળી છે પરંતુ હજી જિલ્લાના કેટલાક વિસ્તારોમાં સારા વરસાદની ખેડૂતો આશા રાખી રહ્યા છે તેવામાં હવામાન વિભાગ દ્વારા જે પ્રમાણે ભારે વરસાદની આગાહી કરાઈ છે તે જ પ્રમાણે આગામી સમયમાં જો સારો વરસાદ વરસે તો ખેડૂતોને તેનો ચોક્કસ લાભ થશે.