• Gujarati News
  • Local
  • Gujarat
  • Mahisagar
  • Annual General Meeting Of Pensioners Senior Citizens Charitable Trust At Lunawada Gandhikutir, Honoring Members Who Have Completed 70 Years

પેન્શનર્સોની બેઠક:લુણાવાડા ગાંધીકુટિર ખાતે પેન્શનર્સ સિનિયર સિટીઝન્સ ચેરીટેબલ ટ્રસ્ટની વાર્ષિક સામાન્ય સભા, 70 વર્ષ પૂર્ણ કરેલ સભ્યોનું સન્માન

મહિસાગર (લુણાવાડા)13 દિવસ પહેલા
  • કૉપી લિંક
  • સંસ્થાની કાર્યવાહી તથા પ્રગતિ અહેવાલ રજુ કરવામાં આવ્યો
  • ટ્રસ્ટ દ્વારા વૃક્ષારોપણ કરવામાં આવ્યું

લુણાવાડાના ગોધરા હાઇવે તાલુકા પંચાયતની બાજુમાં આવેલ ગાંધીકુટિર ખાતે આજરોજ લુણાવાડા પેન્શનર્સ સિનિયર સીટીઝન્સ ચેરીટેબલ ટ્રસ્ટની ત્રીજી વાર્ષિક સામાન્ય સભા ગાંધીકુટીર હોલમાં યોજાઇ હતી. આ સભામાં લુણાવાડાના ધારાસભ્ય જીગ્નેશભાઈ સેવક, નગર પાલિકા પ્રમુખ ભાવનાબેન જે. મહેતા, તાલુકા પંચાયતના પ્રમુખ જયંતિકાબેન, સેન્ટ્રલ બેંક ઓફ ઈન્ડીયાના મેનેજર સંજયભાઈ નાગર તેમજ કુબીર આશ્રમમાં મહંત પુરુષોત્તમદાસજી તેમજ મોટી સંખ્યામાં સિનિયર સીટીઝન્સ ભાઈ-બહેનો અને નગર પાલિકા સભ્યો ઉપસ્થિત રહ્યાં હતા.

70 વર્ષ પૂર્ણ થયેલ તેવા સભ્યોનું સન્માન કરવામાં આવ્યું
70 વર્ષ પૂર્ણ થયેલ તેવા સભ્યોનું સન્માન કરવામાં આવ્યું

ટ્રસ્ટ દ્વારા વૃક્ષારોપણ કરવામાં આવ્યું
આ ટ્રસ્ટ સાથે જોડાયેલ સભ્યોમાંના 70 વર્ષ પૂર્ણ થયેલ તેવા સભ્યોનું સન્માન આમંત્રિત મહેમાનો દ્વારા શાલ ઓઢાડીને કરવામાં આવ્યું. સભામાં પેન્સનર્સ સિનિયર સીટીઝન્સને ગાંધીકુટીર હોલ ઉપયોગ માટે આપવા બદલ નગરપાલિકાનો આભાર વ્યક્ત કરવામાં આવ્યો હતો. સંસ્થાનો પરીચય રમણભાઈ પ્રજાપતિ, સંસ્થાની કાર્યવાહી તથા પ્રગતિ અહેવાલ મહામંત્રી જયંતિભાઈ પટેલે તેમજ આભારવિધી સંસ્થાના ઉપપ્રમુખ બી.આર. પટેલે કરી હતી. કાર્યક્રમના અંતે રાષ્ટ્રગીત ગાન તેમજ વૃક્ષારોપણ બાદ સૌ સાથે ભોજન લઈ છૂટા પડ્યા.

અન્ય સમાચારો પણ છે...