ભાસ્કર વિશેષ:વિરપુર તાલુકામાં નેતાઓની ‘નો એન્ટ્રી’ના બેનર લાગતાં નેતાઓ મૂઝવણમાં મૂકાયા

વિરપુર તાલુકામાં સ્થાનિક સ્વરાજની ચુંટણી આવતા નેતાઓના નો એન્ટ્રીના બેનર લાગતા નેતાઓ મુંઝવણમાં મુકાયા છે. વિરપુર તાલુકાના કુભાણ ખાણ, પાટીયાના મુવાડા, સરદારપુરા જેવા અનેક ગ્રામ્ય વિસ્તારોમાં ચુટણી બહિષ્કારની ચિમકી ઉચ્ચારી છે. પ્રજા પાણી વેરો, સફાઈ વેરો લાઈટ વેરો ભરતા હોવા છતાં સ્થાનિક પંચાયત સુવિધાઓ આપવામાં બેદરકારી દાખવી રહ્યા છે.સ્થાનિક પંચાયતોને વિકાસના કામો અને પ્રજાજનોની સુવિધાઓ કરવા માટે દર વર્ષે તગડી ગ્રાન્ટો આપવા છતાં તાલુકાની મોટા ભાગની ગ્રામ પંચાયતોના રસ્તાઓ તો બન્યા નથી અને બન્યા છે એ પણ ખખડધજ, તાલુકાનું મુખ્ય એસટી બસ સ્ટેન્ડ વિરપુરને આપવામાં આવ્યું છે.

છતાં તાલુકાના કેટલાય ગામોના સમયસર બસ નહી જતી હોવાથી વિધાર્થીઓને પાસ હોવા છતાં પ્રાઈવેટ વાહનોમાં જોખમી મુસાફરી કરવી પડે છે. ગ્રામ્ય વિસ્તારોના ખેડૂતોને એ પણ ખબર નથી કે આપણા વિસ્તારના ગ્રામ સેવક કોણ છે કારણકે ગ્રામ સેવકો માસમાં મોડ મોડ એક દિવસ ફાળવતા હોય છે. માસના એકજ દિવસમાં આવતા આ ગ્રામ સેવકને નથી તો પ્રજાની પડી કે પોતાની જવાબદારીની ઉપરાંત પોતાની જમીનને અનુરૂપ ખેડુત વાવેતર કરે છે. ત્યારે તાલુકાની મુખ્ય સુજલામ સુફલામ્ કેનાલથી ખેડુતોને સિંચાઇ માટેનું પાણી આપવામાં કોઈ જ વ્યવસ્થા નથી જેના કારણે વિરપુરના ગ્રામ્ય વિસ્તારોના લોકો ચુંટણી બહિષ્કાર ની ચિમકી ઉચ્ચારી રહ્યાં છે.