કામગીરી:સંતરામપુરમાં રોકડા 1 કરોડ મળતાં આયકરના ધામા

સંતરામપુર વાંકાનાળા પાસેથી કારમાં અનઅધિકૃત રોકડા અેક કરોડ રોકડ મળ્યા હતા. લુણાવાડા પોલીસે કાર ચાલક ભાઇલાલ પટેલ અને પ્રકાશભાઇ રાવળને પકડીને ગુનો દાખલ કર્યો હતો. પોલીસે બંનેની પુછપરછ કરતાં અા અનઅધીકૃત રોકડા 1 કરોડ લુણાવાડાના અનીસ રાણાના હતા. બાંસવાડાથી લુણાવાડા લઇને જતા હોવાનું જણાવેલ હતું. પોલીસે અધધ રોકડા 1 કરોડ મળતા અાયકર વિભાગને જાણ કરી હતી. વડોદરાથી અાયકરની ટીમ અાવીને 24 કલાકથી સંતરામપુર પોલીસ મથકે ધામા નાખ્યા હતા. પકડાયેલા અનિસ રાણાની પુછપરછ ચાલુ કરી હતી.

અાઇટી વિભાગે સંબધીઅોને ત્યાં તપાસ હાથ ધરી હતી અાઇટી વિભાગે ટીમો બનાવીને અનીસ રાણાની મિલ્કતો તથા અન્ય સ્થળે તપાસ હાથ ધરી હોવાનું જાણવા મળી રહ્યું છે. અેક કરોડ જેના હતા તે અનીસ માસમાં અેક વાર વિદેશ યાત્રા કરતો હોવાનું ચર્ચાઇ રહ્યુ છે. ત્યારે અેક કરોડ હવાલા કે અન્ય ઉપયોગનો હેતુ હોય કે નહિ તે દિશામાં તપાસ હાથ ધરાઇ છે.