આક્ષેપ:દુબઈથી પતિ દ્વારા ફોન પર ત્રિપલ તલાક આપ્યાનો મહિલાનાે આક્ષેપ

લુણાવાડા તાલુકાની એક લઘુમતી મહિલાને સાઉદી દુબઇ રહેતા પતિ દ્વારા ફોન પર જ તલાક તલાક તલાક બોલી છૂટાછેડા આપવામાં આવતા સમગ્ર વિસ્તારમાં ચકચાર મચી જવા પામ્યો છે લુણાવાડાના મધવાસ દરવાજા વિસ્તારમાં રહેતા લધુમતિ સમાજના અેક યુવકના ત્રણ વર્ષ અગાઉ લુણાવાડાની તેમનાજ સમાજની મહિલા સાથે લગ્ન થયા હતા.

લગ્નના અંદાજિત દોઢ મહિના બાદ પતિ દુબઈ કમાવા અર્થે ગયો હતો. એક વર્ષ બાદ પત્નીઅે બાળકને જન્મ આપ્યો હતો. જે આજે બે વર્ષનો બાળક છે ત્યારે બાળકનું મો પણ તેના પિતાઅે જોયું નથી ને લગ્નના ત્રણ વર્ષ બાદ પત્નીને દુબઈથી ફોન ઉપર ત્રિપલ તલાક આપી દેવામાં આવતા મહિલા પર આભ તુટીપડ્યું હતું. જેથી લઘુમતી મહિલા તેના પિતાના ઘરે તેના બાળક સાથે આવી ગઈ હતી. અને લુણાવાડા પોલીસ મથકે અરજી આપી યોગ્ય કાર્યવાહી માંગ કરી હતી.