કોરોના મહામારી:મહીસાગરમાં 05 પોઝિટિવ કેસ નોંધાતા કુલ આંક 2018

કોરોના સામે લડવા સરકારે અગમચેતીનાં સંખ્યાબંધ પગલાંઓ લીધા છે. કોરોના સામે લડવા લોકોની જાગૃતિ એટલી જ જરૂરી છે. જાગૃતિ અને સાવધાની એ જ બચાવનું શ્રેષ્ઠ માધ્યમ સાબિત થયા છે. ત્યારે લુણાવાડા તાલુકાની 1 સ્ત્રી, 3 પુરૂષ, સંતરામપુર તાલુકાની 1 સ્ત્રીનો કોરોના રીપોર્ટ પોઝીટીવ અાવતા કુલ 2018 કેસ પોઝિટિવ નોધાયા છે. જ્યારે જિલ્‍લામાં અત્યાર સુધીમાં કુલ 1956 દર્દીઓ સ્વસ્થ થઇને સ્વગૃહે પરત ફર્યા છે. જિલ્લામાં કોરોનાના સંક્રમણને કારણે 9 વ્યક્તિનું મૃત્યુ થયા છે. જયારે અન્ય કારણથી 36 દર્દીનુ મૃત્યુ થતાં જિલ્લામાં કુલ 45 મૃત્યુ નોંધાવા પામ્યા છે.

જિલ્લામાં અત્યાર સુધીમાં સીઝનફલુ/ કોરોનાના કુલ 124514 રીપોર્ટ નેગેટીવ આવ્યા છે. તેમજ જિલ્લાના 74 વ્યક્તિઓને હોમ ક્વોરોન્ટાઇન હેઠળ રાખવામાં આવ્યા હોવાનું મુખ્ય જિલ્લા આરોગ્ય અધિકારીએ જણાવ્યું છે. કોરોના પોઝિટિવ આવેલ દર્દીઓ પૈકી 13 દર્દીઓ સ્ટેબલ અને 04 દર્દીઓ ઓક્સિજન પર છે.