માંગણી:લુણાવાડા સિવિલનું બાંધકામ 3 વર્ષથી ખોરંભે

મહીસાગર જિલ્લામાં સિવિલ હોસ્પિટલની મંજૂરી મળ્યા બાદ સિવિલ હોસ્પિટલનું કામ શરૂ કરવામાં આવ્યું હતું. પરંતુ લાંબા સમયથી સિવિલ હોસ્પિટલનું કામ અટવાયું છે. ત્યારે મહીસાગર જિલ્લા કોંગ્રેસ સેવાદળ દ્વારા સિવિલ હોસ્પિટલનું અધુરા કામ વહેલી તકે પુર્ણ કરવામાં અાવે તેવી માંગ સાથે આવેદનપત્ર અાપી રજુઆત કરી હતી. જેમા જણાવ્યુ હતુ કે લુણાવાડા ખાતે રાજય સરકાર દ્વારા આરોગ્ય વિભાગમાં મોટી સિવિલ હોસ્પિટલ મંજુર કરેલ છે. અને જેનું કામ ત્રણ વર્ષ પહેલા શરૂ કરી અધુરૂ મુકી દીધેલ છે. તથા સિવિલ હોસ્પિટલનું કામ કયાં કારણો કોન્ટ્રાકટર દ્વારા અધુરૂ મુકવામાં આવેલ છે તે પ્રજાને ખબર પડતી નથી અને આ સિવિલ હોસ્પિટલની ટેન્ડર પ્રક્રિયાની તમામ કાર્યવાહી થઈ ગયેલ છે તો હોસ્પિટલનુ કામ કયા કારણોસર અધુરૂ મુકાયું છે

એતપાસ કરવાની માંગ રજુ કરી છે વધુમાં Covid - 19 મહામારીના કપરા સમયમાં સિવિલ હોસ્પિટલનું કામ તાત્કાલીક પૂર્ણ કરી હોસ્પિટલની સેવા તાત્કાલીક ધોરણે લોકો સુધી પહોંચે માટે કામ ચાલુ કરાવવા રજુઆત છે. આવેદન આપવા ગુજરાત પ્રદેશ સેવા દળ ઉપપ્રમુખ,જિલ્લા સેવાદળ પ્રમુખ સહિત અનેક કાર્યકરો જોડાયા હતા.