તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ભાસ્કર વિશેષ:લુણાવાડામાં નારી ગૌરવ દિવસે સખી મંડળને આપેલા લોન માટેના ચેકના નાણાં આપવાનો બેંકનો ઇન્કાર

લુણાવાડાએક મહિનો પહેલા
  • કૉપી લિંક
  • મુખ્યમંત્રી મહિલા ઉત્કર્ષ યોજના અંતર્ગત મુખ્યમંત્રીની વર્ચ્યુયલ ઉપસ્થિતિમાં ચેક વિતરણ કર્યુ હતું

પાંચ વર્ષ આપણી સરકારના સૌના સાથ, સૌના વિકાસના ઉપક્રમે ગુજરાત સરકાર ગ્રામ- શહેરી વિકાસ વિભાગ તથા મહિલા અને બાળ વિકાસ વિભાગ દ્વારા મુખ્યમંત્રીની વર્ચ્યુયલ ઉપસ્થિતિમાં નારી ગૌરવ દિવસ નિમિત્તે આયોજિત મુખ્યમંત્રી મહિલા ઉત્કર્ષ યોજનાના લોન વિતરણનો રાજયવ્યાપી કાર્યક્રમ યોજાયો હતો. જે અંતર્ગત મહીસાગર જિલ્લામાં લુણાવાડા બાવન પાટીદાર સમાજઘર ખાતે ધારાસભ્ય જીગ્નેશભાઈ સેવકના અધ્યક્ષસ્થાને કાર્યક્રમ યોજાયો હતો. જેમાં 118 સખીમંડળોને લોન વિતરણ કરવામાં આવી હતી.

આ 118 સખી મંડળો પૈકી નારી ગૌરવ દિવસના ચેકના ફોટોસેશન બાદ લુણાવાડા નગરમાં વૈદેહી સખી મંડળ અને બલરામ સખી મંડળને એચડીએફસી બેન્કે લોનના પૈસા આપવા ઇનકાર કરી દેતા યોજનાના અમલીકરણ પર અનેક પ્રશ્નાર્થ સર્જાયા છે. મહિલાઓને આર્થિક રીતે સ્વાવલંબી બનાવવા પ્રયાસોમાં બેન્કની આડોડાઈ સામે આવતા તંત્રે યોજનાનો લાભ મહિલાઓ સુધી પહોચવામાં અંતરાયો ઊભા થયા છે. જો કે આ અંગે બેન્ક આધાર પુરાવા નિયમ મુજબ નથી તેવું કારણ દર્શાવી રહયા છે.

ત્યારે સવાલ એ થઈ રહયો છે કે નારી ગૌરવ દિવસે ધારાસભ્ય, જિલ્લા વિકાસ અધિકારી સહિત મહાનુભાવોના હસ્તે જે પ્રતિક ચેક આપવાના ફોટા પડાવ્યા તે માત્ર સમારોહમાં દેખાડો કરવા અને મુખ્યમંત્રી સમક્ષ તંત્રએ પોતાની વાહવાહી કરવા આપી દીધા છે.

કે પછી બેન્ક સત્તાવાળા જિલ્લા વહીવટી તંત્રને યોજનાના અમલીકરણ માટે સહકાર આપતા નથી. જિલ્લામાં 1300થી વધુના લક્ષ્યાંક સામે માત્ર 118 સખીમંડળોને મુખ્યમંત્રી મહિલા ઉત્કર્ષ યોજના લોન મંજૂરી આપી અને તેમાં પણ નારી ગૌરવ દિવસની ઉજવણીના ફોટોસેશન બાદ એચડીએફસી બેન્કે સખી મંડળને લોન આપવા અંગે નિયમોનું બહાનું બતાવતા બેન્કની આડોડાઈ સામે આવી રહી છે. તો બીજી તરફ તંત્રને નિચાજોણું થયું છે.

નારી ગૌરવ દિવસે પ્રતિક ચેક આપી હવે HDFC બેન્ક લોન આપવાની ના પાડે છે
અમારા વૈદેહી સખી મંડળને નારી ગૌરવ દિવસે મુ.મંત્રી મહિલા ઉત્કર્ષ યોજના હેઠળ ધારાસભ્ય અને ડીડીઓના હસ્તે ચેક આપ્યો હતો. ત્યારબાદ બેન્કમાં ધક્કા ખાધા એચડીએફસી બેન્કના લોન વિભાગના મેનેજર કાગળ પૂરતા નથી. અમારી બેન્કને સરકારની વ્યાજ વિનાની લોનમાં ઇન્ટરેસ્ટ નથી કહે છે અને લોન આપવાની ના પાડે છે. કાર્યક્રમના 13 દિવસ પહેલા તમામના ડોકયુમેન્ટ બેંક કર્મીઅે લઇ તમારી લોન થઇ જશે તેમ કીઘું હતું. સખી મંડળની મહિલાઓનું નહીં પરંતુ મુખ્યમંત્રીનું અપમાન છે કારણકે તેમની વર્ચ્યુયલ ઉપસ્થિતિમાં ચેક આપ્યો છે. - ધીરજબા, પ્રમુખ, વૈદેહી સખી મંડળ, લુણાવાડા

લોનની પ્રક્રિયા પૂર્ણ કરી આપીશ
હમણાં બે ત્રણ દિવસ રજાઓ આવે છે બુધવાર સુધીમાં વૈદેહી સખીમંડળને લોનની પ્રક્રિયા પૂર્ણ કરી આપીશ. - જય મહેતા, મેનેજર, એચડીએફસી બેન્ક

અન્ય સમાચારો પણ છે...