ઠારમાંથી આંશિક રાહત:નલિયામાં પારો ઉંચકાઇને 9.5‎ ડિગ્રીએ પહોંચતાં ઠંડીમાં રાહત‎

ભુજ‎21 દિવસ પહેલા
  • કૉપી લિંક
  • કચ્છમાં મહત્તમ તાપમાન 4 ડિગ્રી ચડવાથી દિવસે ઠંડી ગાયબ‎

બે દિવસ પૂર્વે વિક્રમજનક બે ડિગ્રી ‎ ‎ સાથે ઠૂંઠવાયેલા નલિયામાં‎ ન્યૂનતમ પારો તબક્કાવાર ઉંચે‎ ચડતાં નગરજનોને કાતીલ‎ ઠારમાંથી આંશિક રાહત રહી‎ હતી. સોમવારે પારો વધુ ત્રણ‎ આંક ઉંચકાઇને 9.5 ડિગ્રી થતાં ‎ ‎ ઠંડીમાં વધુ રાહત રહી હતી.‎ બીજી બાજુ કચ્છમાં મહત્તમ‎ ઉષ્ણતામાન ચાર ડિગ્રી જેટલું ઉંચે‎ ચડતાં અગાઉ દિવસે અનુભવાતી‎ ઠંડી ગાયબ જણાઇ હતી.‎ પ્રતિ કલાક સરેરાશ 11 કિલો‎ મીટરની ગતિએ ફૂંકાયેલા‎ પવનની સાથે રાજ્યભરમાં મોખરાને સ્થાને ઠંડા રહેલા‎ નલિયામાં અધિકત્તમ તાપમાનનો‎ પારો પણ ઉંચે ચડીને 29 ડિગ્રીએ‎ પહોંચ્યો હતો પરિણામે દિવસે‎ ઠંડીમાંથી લોકોને રાહત મળી‎ હતી.

કચ્છમાં બીજા ક્રમે ઠંડા‎ રહેલા ભુજ ખાતે લઘુતમ ‎ ઉંચકાઇને 12.3 ડિગ્રી થયું હતું‎ તો મહત્તમ ઉષ્ણતામાન 30.2‎ ડિગ્રીની સાથે દિવસ દરમિયાન‎ ઠંડી નહિવત જણાઇ હતી. કંડલા‎ એરપોર્ટ મથકે લઘુતમ 14.4 તો‎ અધિકત્તમ 29 જ્યારે કંડલા બંદરે‎ 16.5 અને 25.2 ડિગ્રી રહ્યું હતું.

‎ભુજના રૈનબસેરામાં 12 જરૂરતમંદોને આશ્રય અપાયો‎
ભુજમાં લોક સેવા સાર્વજનિક ટ્રસ્ટ અને નગર પાલિકા કચેરીના સંયુક્ત‎ ઉપક્રમે ચાલતા રૈન બસેરામાં ઘર વિહોણા 12 લોકોને આશરો‎ આપવામાં આવ્યો હતા. ફૂટપાથ પર જીવન વિતાવતા બેઘરોનું રેસ્ક્યુ‎ ઓપરેશન કરીને આશ્રય અપાયો હતો. આ સેવાકીય કાર્યમાં લોક સેવા‎ સાર્વજનિક ટ્રસ્ટ ના મંત્રી હેમેન્દ્ર જણસારી, ટ્રસ્ટી હર્ષાબેન સુથાર,‎ રિન્કુબેન જણસારી નગર પાલિકાની NULM શાખાના મેનેજર કિશોર‎ શેખા વગેરે સહયોગી રહ્યા હતા.‎

અન્ય સમાચારો પણ છે...