આશા બની નિરાશા:20 દિ’માં ભુજના હૃદય સમાન હમીરસરનું પાણી એકાદ ફૂટ પાણી નીચે ઉતરી ગયું

ભુજ8 દિવસ પહેલા
  • કૉપી લિંક
જ્યારે વરસાદ વરસ્યો ત્યારે હમીરસર તળાવમાં નવાનીર હિલોળા લેતા હતા, પરંતુ ધીમે ધીમે પાણી ઓસરી જતા હવે જમીનનો પટ દેખાઇ રહ્યું છે, તો હાથીના પગ પાસે પણ પાણી ઓસરી ગયા છે. - Divya Bhaskar
જ્યારે વરસાદ વરસ્યો ત્યારે હમીરસર તળાવમાં નવાનીર હિલોળા લેતા હતા, પરંતુ ધીમે ધીમે પાણી ઓસરી જતા હવે જમીનનો પટ દેખાઇ રહ્યું છે, તો હાથીના પગ પાસે પણ પાણી ઓસરી ગયા છે.
  • જુલાઈ માસમાં તળાવ આગનની ઉત્કંઠા આસર્યા બાદ હવે ઓગસ્ટમાં આશા
  • તળાવ છલોછલ નથી પણ રળિયામણો નજારો, સાતમ આઠમના મેળાની મજામાં વધારો કરી જશે

ભુજના હૃદય સમાન હમીરસર તળાવમાં જુલાઈ માસના પ્રથમ 12 દિવસમાં જ વરસાદી પાણી હિલોળા લેતું થઈ ગયું હતું. પરંતુ, જુલાઈ માસમાં ઓગનશે એવી ઉત્કંઠા ઓસરી ગઈ અને છેલ્લા 20 દિવસમાં તો એકાદ ફૂટ પાણી નીચે પણ ઉતરી ગયું છે. જોકે, ઓગસ્ટ માસમાં હજુ સુધી 11 વખત ઓગન્યું છે, જેથી વધાવવાની આશા બરકરાર છે.

હમીરસર તળાવના ઈદગાહ પાસેના પ્રવેશદ્વાર પાસે, રામધૂન સામે દીવાલ પાસે, ઓલ્ફ્રેડ હાઈસ્કૂલ સામેની દીવાલના ભાગે હમીરસર તળાવનું તળિયું દેખાવવા લાગ્યું છે. એટલું જ નહીં પણ રઘુનાથજીના આરા પાસે હાથીના પગની ઊંચાઈએ પહોંચવા ચારેક ફૂટનું અંતર હતું એ હવે પાંચેક ફૂટનું થઈ ગયું છે. આમ એકાદ ફૂટ પાણી ઉતરી ગયું છે, જેથી ઓગસ્ટ માસમાં લક્કી ડુંગરે વેળાસર એકધારું પાંચેક ઈંચ વરસાદ પડે તો ઓગનવાની આશા ફળે એમ છે.

ઓગસ્ટમાં કઈ તારીખે વધાવાયું તારીખ વધાવનારા સદભાગી

  • 14/08/1956 ડો. મહિપતરાય મહેતા
  • 26/08/1965 ભાસ્કરભાઈ વી. પંડ્યા
  • 20/08/1970 કિશોરચંદ્ર આર. બૂચ
  • 30/08/1976 બહાદુરસિંહ એેસ. જાડેજા
  • 11/081979 મંગલભાઈ એેચ. માહેશ્વરી
  • 29/08/1989 અરુણભાઈ એેમ. વછરાજાની
  • 07/08/1992 મનુભાઈ ગજ્જર
  • 13/08/2006 બાપાલાલ જે. જાડેજા
  • 09/08/2007 બાપાલાલ જે. જાડેજા
  • 09/08/2010 દેવરાજભાઈ કે. ગઢવી
  • 31/08/2020 લતાબેન આઈ. સોની
અન્ય સમાચારો પણ છે...