હરાજીને પ્રતિસાદ:વધુ 15 દુકાનોની તળિયા કિંમત કરતાં અઢી ગણા મૂલ્યે ઇ-હરાજી

ભુજ15 દિવસ પહેલા
  • કૉપી લિંક
  • રાવલવાડી રિલોકેશન સાઇટમાં હરાજીને પ્રતિસાદ
  • કોમર્શીયલ કોમ્પલેક્ષની સંભાળ માટેની કામગીરી કરાશે

ઇ-હરાજીના બીજા દિવસે ભુજ વિસ્તાર વિકાસ સત્તા મંડળ (ભાડા)ને વધુ સારો પ્રતિસાદ મળ્યો હતો અને તળિયા િકંમત કરતાં અઢી ગણી કિંમતે રાવલવાડી રિલોકેશન સાઇટના વાણિજ્ય સંકુલ-અેની વધુ 15 દુકાનોની લીઝ પર હરાજી થઇ હતી.

શહેરના રાવલવાડી રિલોકેશન સાઇટના વાણિજ્ય સંકુલ અે અને બીની 123 દુકાનોને 77 વર્ષની લીઝ પર અાપવા માટે ઇ-હરાજી કરવાનું નક્કી કરાયું છે. હરાજીના પ્રથમ દિવસે 15 અને બીજા દિવસે પણ 15 દુકાનોની હરાજી થઇ હતી. બીજા દિવસે વધુ 15 દુકાનો તળિયા િકંમત કરતાં સરેરાશ અઢી ગણી કિંમતે ઇ-અોક્શન પોર્ટલ મારફતે ઇ-હરાજી થઇ હતી. હરાજી માટે બોલી અોનલાઇન બોલવા માટેના નિયત સમયગાળાની અાખરી ક્ષણોમાં ભારે ચડસા-ચડસી રહી હતી. બે દિવસમાં 30 દુકાનોની હરાજી થઇ છે.

અાગામી દિવસોમાં જરૂર પડ્યે કોમર્શીયલ કોમ્પલેક્ષ વધુ સારી સ્થિતિમાં રહે તે માટે જરૂરી સાર સંભાળ માટેની કાર્યવાહી કરાશે. ટૂંક સમયમાં મંડળની અારટીઅો અને મુન્દ્રા રિલોકેશન સાઇટમાં અાવેલા વાણિજ્ય સંકુલોની દુકાનો અને હોલની ઇ-હરાજી કરાશે અેમ ભાડાના મુખ્ય કારોબારી અધિકારી અતિરાગ ચપલોત દ્વારા જણાવાયું હતું.

અન્ય સમાચારો પણ છે...