દુકાનોનું ઈ-ઓક્શન:RTO રીલોકેશન સાઇટની ‘ભાડા'ની દુકાનોના લીઝ ધારકો દ્વારા નિયમોનું છડેચોક ઉલ્લંઘન !

ભુજ22 દિવસ પહેલાલેખક: પ્રકાશ ભટ્ટ
  • કૉપી લિંક
આરટીઓ રિલોકેશન સાઇટની દુાકનોનો 15 વર્ષે નામકરણ - Divya Bhaskar
આરટીઓ રિલોકેશન સાઇટની દુાકનોનો 15 વર્ષે નામકરણ
  • રાવલવાડી અને મુન્દ્રા રિલોકેશન બાદ આરટીઓની પણ ભાડાની દુકાનોનું ઈ-ઓક્શન
  • સાડા ચારસો દુકાનોમાંથી 161 દુકાનોનું પંદર વર્ષ પછી લીલામ દ્વારા અપાશે લીઝ પર
  • અનેક દુકાનોએ કચેરીના કરારો તોડ્યા, પણ કોઈ તેની વિરૂધ્ધ કાર્યવાહી નહીં

ભુજ વિસ્તાર વિકાસ સત્તા મંડળ દ્વારા માર્ચમાં રાવલવાડી રિલોકેશનની 123 અને જુનમાં મુન્દ્રા રિલોકેશનની 51 દુકાનોની ઓનલાઇન લિલામી કરવામાં આવી. જેમાં સફળતા મળતા હવે ભાડાએ આરટીઓ સર્કલ સામેની 161 દુકાનોનું ઈ-ઓક્શન જાહેર કર્યું છે. આ સાઈટ પર સાડા ચારસોથી વધુ દુકાનો અને હોલ છે. જે 2005-06 માં નિર્મિત થઈ હતી.

રોડ ટચ દુકાન બહાર લીઝ ધારકે કરેલું નિયમ વિરૂદ્ધ દબાણ
રોડ ટચ દુકાન બહાર લીઝ ધારકે કરેલું નિયમ વિરૂદ્ધ દબાણ

ધંધાર્થીઓએ ત્રણ-ચાર દુકાનો અંદરથી દીવાલ તોડી એક કરી
ત્રણેય રિલોકેશન સાઈટ પર ખાનગી કંસ્ટ્રક્શન કંપની સાથેના કરાર મુજબ બાંધકામ કરી આપવાની સામે પચાસ ટકા દુકાનો આપ્યા બાદ બાકીની ઘણી દુકાનો લીઝ પર ભાડે આપવાની રહી ગઈ હતી. જો કે, માત્ર દોઢથી ત્રણ લાખના પ્રીમિયમમાં વેંચાયેલી દુકાનો આજે દસ ઘણા ભાવે ચોથી કે પાંચમી પાર્ટીને વેંચાઈ છે. પરંતુ સૂત્રોના જણાવ્યા મુજબ અનેક દુકાનો એવી છે કે, જેની કાયદેસર નામ બદલીના વીસ હજાર ભરીને સરકારી વિધિ પૂરી નથી થઈ. તો નિયમ મુજબ દુકાનના બાંધકામમાં કોઈ ફેરફાર ન કરી શકાય તો પણ દવાઓના જથ્થાબંધ વેપારીઓ, કંસ્ટ્રક્શન કંપની અને ફાઈનાન્સર જેવા ધંધાર્થીઓએ એકસાથે ત્રણ-ચાર દુકાનો અંદરથી દીવાલ તોડી એક કરી છે.

ટાઇપ ‘બી’ દુકાનોની જાળવણીના અભાવે ખસ્તા હાલત
ટાઇપ ‘બી’ દુકાનોની જાળવણીના અભાવે ખસ્તા હાલત

નિષ્પક્ષ તપાસ કરવામાં આવે તેવી માગ
મોટાભાગની રોડ ટચ દુકાનોએ બહાર સુધી શેડ અથવા તો પાકા બાંધકામ કર્યા છે. શહેરના રહેવાસીને તેના માલિકીના ઘરમાં એક બાથરૂમ પણ બહાર બાંધવું હોય તો અનેક ધક્કા ખાવા પડે છે, તો નજર સામેના નિયમ વિરુદ્ધ બાંધકામ કેમ ચલાવાય છે. જો કે, જ્યારથી દુકાન કબ્જો સોંપાયો ત્યારથી નિષ્પક્ષ તપાસ કરવામાં આવે તો અનેક ત્રુટીઓ બહાર આવે.

રિલોકેશન સાઇટ દુકાનોમાં માણખાકીય સુવિધાનો અભાવ
રિલોકેશન સાઇટ દુકાનોમાં માણખાકીય સુવિધાનો અભાવ

લીઝ ધારકો માટે ભાડાએ નિર્ધારિત કરેલા નિયમો

  • લીઝ ધારક 99 વર્ષ સુધી ભાડા પટ્ટા પર ભોગવટો કરી શકે છે.
  • વાર્ષિક ભાડું 200 રૂપિયા દર વર્ષના પ્રથમ મહિનાના પ્રથમ દસ દિવસમાં ભાડામાં સીધું જમા કરાવવાનું રહે છે, ખાનગી પાર્ટી ઉઘરાવી શકતી નથી.
  • લીઝ ધારક દુકાનની બહાર કોઈ શેડ કે દબાણ કરી શકશે નહિ.
  • ભાડાની મિલકતને જો નુકસાન કરવામાં આવશે તો લીઝ ધારકો પાસે ખર્ચ વસુલાશે
  • દુકાનની અંદર લાઈટ, પાણી કે ગટર મેળવવાનો ખર્ચ સ્વયં કરવો પડશે
  • ભાડાએ ઘડેલા નિયમોનો ભંગ થશે તો તેની વિરૂધ્ધ કાર્યવાહી હાથ ધરી શકશે.

માળખાકીય સુવિધાઓ સાચવવામાં ભાડા અને ઠેકેદાર ઉદાસીન રહ્યા
સાડા ચારસો જેટલી સંખ્યાની એક જ જગ્યાએ દુકાનો હોય એટલે સ્વાભાવિક કરોડો રૂપિયાની આવક ભાડા અને ઠેકેદાર બંનેને થઈ હોય. જે તે સમયે બાંધકામ કરવામાં આવ્યું ત્યારે આંતરિક રસ્તાઓ બન્યા. ત્યારબાદ એકપણ રસ્તા નથી બન્યા. તો બાથરૂમ-ટોઇલેટની સુવિધા પણ નથી. લાખો રૂપિયા ખર્ચીને આવતો દુકાન માલિક જાહેરમાં લઘુશંકા માટે જવું પડે, તે કેટલું વ્યાજબી કહેવાય.

અન્ય સમાચારો પણ છે...