ધરપકડ:કંડલામાં છરીની અણીએ 37‎ હજારની લૂંટ કરનાર 2 જબ્બે‎

ગાંધીધામ‎એક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • ‎આરોપી બાઇકરોને ગણતરીના કલાકોમાં શોધી લેવાયા‎
  • પોલીસે આરોપી પાસેથી બાઇક સહિત 57 હજારનો મુદ્દામાલ જપ્ત કર્યો‎

દીન દયાળ પોર્ટના વેસ્ટ ગેટ‎ નંબર- 3 પાસે ધોળા દિવસે‎ બાઇક પર આવેલા બે ઇસમોએ‎ છરીની અણીએ યુવાન પાસેથી‎ મોબાઇલ અને રોકડ ઝૂંટવી 37‎ હજારની લૂંટને અંજામ આપ્યો‎ હોવાની ઘટનામાં ગણતરીના‎ કલાકોમાં કંડલા મરિન પોલીસે‎ બે આરોપીઓને પકડી બાઇક‎ સહિત 57 હજારનો મુદ્દામાલ‎ કબજે કર્યો હતો.‎

પીઆઇ એચ.કે.હુંબલે વિગતો‎ આપતાં જણાવ્યું હતું કે, તુણા‎ રહેતા અને શારદા ગુડ્સ‎ કેરિયર નામની ટ્રાન્સપોર્ટમાં‎ કંડલા ખાતે લોડિંગ માટે‎ આવતી ગાડીઓના ગેટપાસ‎ બનાવી પોર્ટમાં ઇન અને‎ આઉટની કામગીરી કરતા 29‎ વર્ષીય અલ્તાફ તૈયબ બાપડાએ‎ નોંધાવેલી ફરિયાદમાં જણાવ્યા‎ મુજબ, શુક્રવારે તેઓ તેઓ‎ તેમની કંપનીની કોલસો ભરવા‎ માટે આવતી ગાડીઓના ગેટ‎ પાસ બનાવવાની કામગીરી કરી‎ રહ્યા હતા. દોઢેક વાગ્યે તેમની‎ કંપનીના ટ્રેઇલર ચાલક‎ અર્જુનલાલ પ્રભુલાલ ગુજ્જરનો‎ આઉટપાસ બનાવવા દીન‎ દયાળ પોર્ટના વેસ્ટ ગેટ‎ નંબર-3 પાસે ઉભા હતા.

તે‎ દરમિયાન બે વાગ્યાના‎ અરસામાં બાઇક પર બે ઇસમો‎ આવ્યા હતા અને છરી બતાવી‎ તેમના ખિસ્સામાંથી રૂ.1,000‎ રોકડા, ટ્રેઇલર ચાલક‎ અર્જુનલાલના ખિસ્સામાંથી‎ રૂ.35,999 ની કિંમતનો‎ મોબાઇલ ફોન મળી કુલ‎ રૂ.36,999 ની લૂંટ કરી ભાગી‎ ગયા હતા.‎ આ ફરિયાદ નોંધાયા બાદ‎ ગણતરીના કલાકોમાં આ લૂંટને‎ અંજામ આપનાર નવા કંડલાના‎ સર્વા ઝૂંપડામાં રહેતા હાજી‎ દાઉદભાઇ સાયચા અને ઇમરાન‎ અલીમામદ પઠાણને પકડી લઇ‎ લૂંટમાં ગયેલો મોબાઇલ, રોકડ‎ તેમજ ઉપયોગમાં લેવાયેલી‎ બાઇક સહિત કુલ રૂ.56,999‎ નો મુદ્દામાલ જપ્ત કરી કાયદેસર‎ કાર્યવાહી કરી હતી.

અન્ય સમાચારો પણ છે...