રોડ કરે રાડ:તૂટેલો સુંદરપુરી - રામબાગ માર્ગ સમારકામ માગે છે

ગાંધીધામ24 દિવસ પહેલા
  • કૉપી લિંક
  • આમા ટાગોર રોડનું ભારણ કેમ ઘટે?; સમાંતર બંન્ને રોડની પરિસ્થિતિ બદહાલ
  • ચોરીની ઘટનાઓ માટે જાણીતા રિશિ શીપીંગ – રાજવી ફાટક રોડમાં પણ ખાડાઓની ભરમાર : પારખ સર્કલ પાસેનો રોડ વરસાદ પછી બિસ્માર

ગાંધીધામ થી આદિપુર જવા માટે હાલ સંપુર્ણ ભાર જેના પર છે તે ટાગોર રોડ પર ચાલતા ઓવરબ્રીજના કામને પગલે ટ્રાફિક જામ થઈ રહ્યો છે. તો આ પહેલા લાંબા સમયથી આ રોડનું ભારણ ઘટાડવા સમાંતર એવા સુંદરપુરી - રામબાગ રોડ અને ભારતનગર- રાજવી ફાટક રોડને વધુ વિકાસ આપવાનો સુર પ્રબુદ્ધ વર્ગમાંથી ઉઠી હતી. પરંતુ આજે ટાગોર રોડના ભારણને હળવો કરવામાં મદદરુપ બની શકતા આ બન્ને રોડની પરિસ્થિતિ ખસ્તાહાલ બનેલી છે.

ગાંધીધામ અને આદિપુર જોડીયા નગરો છે, જેમાં રહેણાક અને વ્યવસ્થા પ્રતિષ્ઠાન અલગ અલગ સ્થાનો પર હોવાથી રોજ હજારો લોકો આવન જાવન કરે છે. જેનો મહતમ ભાર માત્ર ટાગોર રોડ પર છે, જ્યાં ઓસ્લો આસપાસ ચાલતા ઓવરબ્રીજના કાર્યને કારણે સર્વિસ રોડ પર વાહનોની રોજ લાંબી કતારો લાગી રહી છે.

ટાગોર રોડ પરના આ ભારણને સમાંતર માર્ગો જેમ કે લીલાશાહ સર્કલથી સુંદરપુરી ટાંકી ચાર રસ્તા - સુંદરપુરી - પારખ સર્કલ થી રામબાગ રોડ તેમજ તેનાજ પેરેલર એવા ગોપાલપુરીના પાછલા ગેટ, કૈલાશનગર –રિશિ શિપિંગ કચેરી થી રાજવી ફાટક જઈને આદિપુર પહોંચતા માર્ગને વિકસીત કરવા માટેની ટહેલ વારંવાર નખાઈ હતી. પરંતુ હાલ પરિસ્થિતિ એવી છે કે આ બન્ને માર્ગો તુટી ગયા છે, તેનું મટીરીયલ બહાર આવી ગયું છે, અને ખાડાઓ પડી જતા વાહનો એક ગતીથી વધુ લાંબુ ચાલી શકે તેમ નથી. શહેરના પ્રબુદ્ધ વર્ગમાં આ બન્ને માર્ગો પર ફોકસ કરાય તે સમયની માંગ હોવાની રાવ ઉઠવા પામી છે.

માર્ગોના કામો આચારસંહિતાના કારણે અટકી ગયા?
કેટલાક પાસ થયેલા રોડના કાર્યો આચારસંહિતાના કારણે અટકી ગયા હોવાનું સામે આવી રહ્યું છે. જીઆઈડીસીના મંજુર 12 કરોડના કામો સામે 5 કરોડના ટેન્ડરો ખુલ્યા બાદ બાકીના આચારસંહિતા લાગુ થઈ જતા અટકી ગયા હતા. આવુંજ અન્ય પ્રોજેક્ટ્સને લઈને પણ થઈ રહ્યુ છે.

અન્ય સમાચારો પણ છે...