ભાસ્કર ગ્રાઉન્ડ રિપોર્ટ:નિકાસ પર પ્રતિબંધથી 20 લાખ ટન ઘઉંનો જથ્થો કંડલા પોર્ટ પર અટવાયો

ગાંધીધામએક મહિનો પહેલા
  • કૉપી લિંક
ઘઉંની નિકાસબંધીના કારણે કંડલા પોર્ટ અને તેના બહારના વિસ્તારમાં લગભગ 20 લાખ ટન ઘઉંનો જથ્થો પડી રહ્યો છે. નિકાસબંધીના નિર્ણય પહેલાં જ વિવિધ રાજ્યોમાંથી ગુડ્સ ટ્રેન અને ટ્રકો મારફતે ઘઉંના જથ્થાની આવક થઇ હતી. - Divya Bhaskar
ઘઉંની નિકાસબંધીના કારણે કંડલા પોર્ટ અને તેના બહારના વિસ્તારમાં લગભગ 20 લાખ ટન ઘઉંનો જથ્થો પડી રહ્યો છે. નિકાસબંધીના નિર્ણય પહેલાં જ વિવિધ રાજ્યોમાંથી ગુડ્સ ટ્રેન અને ટ્રકો મારફતે ઘઉંના જથ્થાની આવક થઇ હતી.
  • પોર્ટની આસપાસ હજારો ટ્રક પાર્ક, અડધા લોડ થયેલા 4 જહાજને પણ બ્રેક
  • જહાજ પર ઘઉં લોડ થતાં હતા ત્યારે જ કસ્ટમ વિભાગે કામગીરી અટકાવી દીધી

ઘઉંની નિકાસ પર પ્રતિબંધને પગલે કંડલા પોર્ટ અને તેની બહાર અંદાજે 20 લાખ ટન ઘઉંનો જથ્થો અટવાયો છે. બે દિવસ પહેલાં નિકાસ પર પ્રતિબંધની જાહેરાત થઈ ત્યારે ચાર જહાજ પર કસ્ટમ ઓથોરિટીએ ઘઉં લોડ કરવાનું કામ અટકાવી દીધું હતું. આ જહાજો દરિયામાં અટવાયા છે. ઘઉંની મોટાભાગની નિકાસ કંડલા પોર્ટથી થાય છે.

ઘઉં ભરેલી ટ્રકો સાથે દેશના વિવિધ રાજ્યોથી આવેલા હજારો ટ્રક ડ્રાઈવરો પોર્ટમાં ઘઉંને ઉતારવાની રાહ જોઇ રહ્યા છે.
ઘઉં ભરેલી ટ્રકો સાથે દેશના વિવિધ રાજ્યોથી આવેલા હજારો ટ્રક ડ્રાઈવરો પોર્ટમાં ઘઉંને ઉતારવાની રાહ જોઇ રહ્યા છે.

નિકાસ પર પ્રતિબંધ પહેલાં જ વિવિધ રાજ્યોમાંથી ગુડ્સ ટ્રેન, ટ્રકો મારફતે અહીં ઘઉં ખડકાયા હતા. સૂત્રોના મતે, કંડલામાં ખુલ્લામાં કે ગોદામોમાં પડેલા ઘઉંનું લોડિંગ અટકતા નિકાસકારોએ 15 દિવસની રાહત માંગી છે. હાલ અહીં આઠ લાખ ટન ઘઉંનો જથ્થો છે, પરંતુ પોર્ટ બહાર પ્રવેશવા રાહ જોતા જથ્થાને ઉમેરીએ તો તે લગભગ 20 લાખ ટન આસપાસ પહોંચે છે.

રશિયા-યુક્રેન યુદ્ધના કારણે આ બંને જે દેશોને ઘઉં મોકલતા હતા તે પણ અટકી ગયા છે. ભારત પાસે ઘઉંનો બફર સ્ટોક હોવાથી નિકાસનો નિર્ણય કરાયો હતો. પરંતુ હાલના સંજોગોમાં ઘઉંના ભંડાર ખાલી ન થઈ જાય માટે નિકાસ પર પ્રતિબંધ લદાયો હતો.

ઘઉં ઉતારવાની રાહમાં દિવસોથી ગરમીમાં શેકાતા ટ્રક ડ્રાઈવરોએ પાણી માટે હુરિયો બોલાવ્યો
ઘઉં ભરેલી ટ્રકો સાથે દેશના વિવિધ રાજ્યોથી આવેલા હજારો ટ્રક ડ્રાઈવરો પોર્ટમાં ઘઉં ઉતારવાની રાહ જોઇ રહ્યા છે. કેટલાક બે-ત્રણ દિવસથી તો કેટલાક અઠવાડિયાથી અહીં છે. ત્યારે 45 ડિગ્રી ગરમીમાં ડ્રાઈવરોને પાણી જેવી પ્રાથમિક સુવિધા પણ ન મળતી હોવાની રાવ સાથે સોમવારે ડ્રાઈવરોએ હુરિયો બોલાવીને વિરોધ કર્યો હતો. બાદમાં પોર્ટ તંત્રે પાણીની વ્યવસ્થા કરવાની તજવીજ હાથ ધરી હતી.

ગુજરાતની મંડીઓમાં ઘઉંનો ભાવ 200થી 700 રૂપિયા ઘટ્યો

માર્કેટ યાર્ડ15-16 એપ્રિલ, 202216 મે, 2022
કેશોદ2200 થી 23252200 થી 2300
જૂનાગઢ2050 થી 29902000 થી 2425
રાજકોટ2190 થી 26052170 થી 2500
અમરેલી1910 થી 33052000 થી 2595
મહેસાણા2105 થી 29952075 થી 2660
હિંમતનગર2200 થી 29502100 થી 2750
મોડાસા2090 થી 27752125 થી 2630
આણંદ2375 થી 25002250 થી 2350
ખેડા2375 થી 24502250 થી 2300

​​​​​​​

અન્ય સમાચારો પણ છે...