ભાસ્કર એક્સકલૂઝિવ:કંડલા સેઝથી નિકાસમાં 105% અને મુન્દ્રા સેઝથી 132% ની વૃદ્ધિ

ગાંધીધામએક મહિનો પહેલાલેખક: સંદીપ દવે
  • કૉપી લિંક
  • દેશભરમાં સૌથી વધુ અને સૌથી જૂના કચ્છમાં કાર્યરત સેઝમાં આ વર્ષે જોવા મળી રહ્યો છે બમ્પર ઉછાળો
  • નવેમ્બર – ડિસેમ્બર સુધીમાંજ ગત વર્ષે કરતા ડબલથી વધુ નિકાસ થઈ ચુકી, સર્વાધિક એક્સપોર્ટ ગીફ્ટ – સેઝમાં 161% જોવા મળી

કંડલા સ્પે. ઈકોનોમિક ઝોન હોય કે મુંદ્રા સેઝ, તે સહિત ગુજરાતમાં આવેલા 21 સેઝમાં અમદાવાદ જીઆઇડીસી અને જ્યુબીલિન્ટ સેઝને બાદ કરતા તમામના એક્સપોર્ટમાં વૃદ્ધિ જોવા મળી રહી છે. નવેમ્બર – ડિસેમ્બર સુધી સામે આવેલા આંકડાઓ જણાવે છે કચ્છમાં આવેલા કંડલા સેઝ 105% તો મુંદ્રા સેઝ 132% જેટલી જંગી વૃદ્ધિ નોંધાવી રહ્યા છે. કંડલા સ્પે. ઈકોનોમિક ઝોન દ્વારા ગત વર્ષે 2021-'22ના સમયગાળામાં 5691 કરોડનું કુલ એક્સપોર્ટ થયું હતું, જેની સામે આ વર્ષનો નવેમ્બર મહિનો પત્યા બાદ લેખાજોખા મારતા કુલ એક્સપોર્ટ નો આંકડો 11,616 કરોડે પહોંચ્યો હતો.

એટલે કે 5925 કરોડના જંગી ઉછાળા સાથે કાસેઝ દ્વારા 104.11%ની વૃદ્ધિ નોંધાવી હતી. કચ્છનાજ બીજા સેઝની વાત કરીએ તો અદાણી પોર્ટ અને સેઝ દ્વારા ગત વર્ષે આજ સીમિત સમયગાળા દરમ્યાન 2271 કરોડનું એક્સપોર્ટ કર્યું હતું, જે આ વર્ષ તેજ સમયગાળામાં 5257 કરોડનું થઈ ચુક્યું છે, જે 132% જેટલી વૃદ્ધિ દર્શાવે છે. સર્વાધિક એક્સપોર્ટ ગિફ્ટ સીટી, સેઝ દ્વારા 160.80% નોંધાયો હતો. તો સર્વાધિક નકારાત્મક જ્યુબીલિન્ટ સેઝમાં નેગેટિવ 28% નોંધ થઈ હતી. સરવાળે તમામ 21 સેઝના લેખાજોખા મારતા 62.30% જેટલો નિકાસમાં વિકાસ જોવા મળ્યો છે, આવીજ રીતે રોજગારીમાં સરેરાશ 9% જેટલી વૃદ્ધિ જોવા મળી હતી.

અન્ય સમાચારો પણ છે...