ખેડૂતોમાં ખૂશી:રૂ.9 કરોડના ખર્ચે બે ચેકડેમ બનતાં નપાણીયો વિસ્તાર બન્યો પાણીદાર

નડિયાદએક મહિનો પહેલાલેખક: યોગીન દરજી
  • કૉપી લિંક
સૂકી ભઠ્ઠ રહેતી વાત્રક નદીના વહેતાં નીરની પ્રથમ ડ્રોન તસવીર - Divya Bhaskar
સૂકી ભઠ્ઠ રહેતી વાત્રક નદીના વહેતાં નીરની પ્રથમ ડ્રોન તસવીર
  • બારેમાસ કોરી ધાકોર રહેતી વાત્રક નદીના 7 કિમી વિસ્તારમાં નવા નીર
  • 55 ગામોના પાણીના સ્તર ઉંચા આવ્યાં, ​​​​5 હજાર હેક્ટર ખેતીને લાભ, પીવાના પાણીની સમસ્યા દૂર થઇ

ખેડા જિલ્લામાં વાત્રક નદી પાસે વસેલા કઠલાલ અને કપડવંજ તાલુકાના 55 ગામોને કાઠાગાળા તરીકે ઓળખાય છે. શિયાળો હોય કે ઉનાળો અહીંની વાત્રક નદીમાં પાણી સુકાઈ જતા હોવાથી આ વિસ્તાર નપાણીયા વિસ્તાર તરીકે વગોવાયેલો હતો. પરંતુ સરકાર દ્વારા કપડવંજ તાલુકાના આતરસુંબા ગામે રૂ.4 કરોડ અને આત્રોલી કોસમ ગામે રૂ.5 કરોડના ખર્ચે ચેકડેમ બનાવાતા આ વિસ્તાર હવે પાણીદાર બની ગયો છે.

ગત જૂનમાં આ બે ચેકડેમનું કામ પૂર્ણ થતા વચ્ચેના 6થી 7 કિમીના નદીના વિસ્તારમાં ચોમાસુ નીરનો સંગ્રહ થયો છે. જેના કારણે આસપાસના 55 ગામોના જળસ્તર ઉંચા આવ્યા છે. 5 હજાર હેક્ટર જેટલી જમીનને ખેતી માટે લાભ થયો છે. નદીમાં નવા નીરને કારણે આસપાસના જંગલોના પશુ પક્ષીઓ માટે પણ પીવાના પાણીની સમસ્યા દૂર થઇ છે. સાથોસાથ ખેતરોમાં 15 કોલમ સુધી પાણી ઉંડા થઈ ગયા હતા, તેના બદલે 12 કોલમ સુધી પાણી ઉંચા આવી ગયા છે. જેથી ખેડૂતોમાં ખૂશીની લહેર વ્યાપી છે. અગાઉ કાયમ સૂકીભઠ્ઠ રહેતી વાત્રક નદીની વહેતા પાણી સાથેની પ્રથમ ડ્રોન તસવીર દિવ્ય ભાસ્કરના કેમેરામાં કંડારાઇ છે.

વિગતઆંત્રોલી કોસમ ડેમઆતરસુંબા ડેમ
બનાવવાનો ખર્ચ5 કરોડ4 કરોડ
સ્ટોરેજ કેપેસીટી19.17 MPFH19 MPFH
સ્ટોરેજ વિસ્તાર2662 સ્કવેર કિમી2638 સ્કેવર કિમી
લંબાઇ170 મીટર185 મીટર
ઉંચાઇ3 મીટર2.90 મીટર
અન્ય સમાચારો પણ છે...