કાર્યવાહી:વિસાવદરમાંથી દારૂની 22 બોટલ સાથે એક ઝડપાયો

વિસાવદર પોલીસ સ્ટેશનના પીઆઈ એન. આર. પટેલ, એ એસ આઈ આર. બી. દેવમુરારી તેમજ હેડ કોન્સ્ટેબલ સીસોદીયા સહિતનો પોલીસ સ્ટાફ પેટ્રોલિંગમાં હોય ત્યારે બાતમી મળેલ કે વિસાવદરના જિવાપરામાં રહેતો પ્રદીપ કરસન ભાઈ રાઠોડ ઇંગ્લિશ દારૂ મંગાવીને વેચતો હોય. તેવી બાતમી વિસાવદર પોલીસને મળતા બાતમી વાળી જગ્યાએ રેડ કરી હતી.

જ્યા સ્થળ પર હાજર ઇસમનું નામ પૂછતાં પ્રદીપ કરસન ભાઈ રાઠોડ જણાવ્યું હતું. ત્યારબાદ પોલીસ દ્વારા પ્રદીપના ઘરની તપાસ કરતા બોટલ નંગ 22 ઈગ્લિસ દારૂની મળી આવેલ હતી. વિસાવદર પોલીસે ઇંગલિશ દારૂ કબ્જે લઈ આરોપીને પોલીસ સ્ટેશન ખાતે લાવી સઘન પૂછપરછ કરતા દારૂ જાંબુડી ગામનો જયસુખ દેવજી વાધેલા આપી ગયેલ હોય તેવું જણાવ્યું હતું. પોલીસે આરોપીને ઝડપી પાડી આગળની તપાસ હાથ ધરી બિજા આરોપી જયસુખને પણ પકડવા ચક્રો ગતિમાન કર્યા છે.