ભ્રષ્ટાચાર:રતાંગ-બરડિયા વચ્ચે નવો પુલ બનાવવા ધૂળવાળી રેતી આવી

વિસાવદર તાલુકાના રતાંગ અને બરડિયા વચ્ચેના કાચા રસ્તાને નવો ડામર રોડ બનાવવાની કામગિરી ચાલુ છે. જેમાં પુલ બનાવવા માટે આવેલી રેતી ધૂળવાળી હોવાની બૂમ ઉઠી છે. રતાંગ-બરડિયા વચ્ચે દેવથાનિયા નામના વોંકળા પર નાના પુલની કામગિરી પણ ચાલુ છે. જેના પાયાના 4 પીલર બનાવાયા છે.

આ પીલરમાં કોન્ટ્રાક્ટર દ્વારા ધૂળવાળી રેતીનો ઉપયોગ કરવામાં આવતો હતો. અહીંથી પસાર થતા ગ્રામજનોએ સરપંચના ધ્યાને આ વાત મૂકતાં સરપંચ સ્થળ પર પહોંચ્યા હતા. અને આ રેતી ન વાપરવી. બીજી સારી રેતી વાપરવા કોન્ટ્રાક્ટર અને સરકારી કર્મચારીને ભલામણ કરી. પણ તેઓ ત્યાંથી ચાલ્યા ગયા બાદ ધૂળવાળીજ રેતીનો ઉપયોગ કરીને પીલર બનાવી દેવાયા છે. આ મામલે ભ્રષ્ટાચાર થયાની બૂમ પણ ઉઠી છે.