દુર્ઘટના:કાલસારીમાં કુવામાં કામ કરતા મજુર પર માટી પડતા મોત થયું

વિસાવાદરના કાલસારી ગામે ગત શનિવારના રોજ ખેતરમાં બિનજરૂરી કુવાને બુરવાની કામગીરી દરમિયાન અચાનક માટી ધસી પડતા એક મજુરનું માટીમાં દટાઈ જતાં કમનસીબે મોત થયું હતું. કાલસારી ગામની સીમમાં આવેલ ખેતરમાં રહેલા બિનઉપયોગી કુવાને બુરવ માટેની કામગીરી હાથ ધરાઈ હતી.

કાલસારીના રધુભાઈ સરધારાના ખેતરમાં રહેલા કુવામાં 3 મજુરો કામ કરતા હતા. ત્યારે અચાનક માંટી ધસી પડતા અંદર કામ કરી રહેલા મજુર ડાયાભાઈ નારણભાઈ ભાયાણી ઉ.વ. 65નું મોત નિપજ્યું હતું. જ્યારે અન્ય બે મજુરો સાઈમાં હોવાથી સલામત રહ્યા હતા. ડાયાભાઈના આકસ્મીક મોતથી પરિવારજનોમાં શોકનો માહોલ છવાયો હતો. જેમના બે પુત્રોમાં એક પુત્ર મજુરૂ કામ કરે છે અન્ય હિરા ઘસવાનું કામ કરે છે.