રજૂઆત:ખોરાસા સ્થિત સાબલીડેમના પાણીથી સાંગરસોલા ગામનું તળાવ ભરવા માંગ

વંથલી પંથકના ખોરાસા ગામે સાબલી નદી પરનો ડેમ હાલ પાણીથી છલોછલ છે. જેથી આ પંથકમાં પાણીના તળ ઉંચા આવ્યા છે. અને આ ડેમના પાણીથી સાંગરસોલા ગામનું તળાવ ભરવામાં આવે તેવી માંગ સાથે ઉચ્ચકક્ષાએ રજૂઆત કરવામાં આવી છે.

કેશોદ પંથકના સાંગરસોલા ગામે તળાવ આવેલું છે. જે સાબલી ડેમ થી માત્ર 500 મીટર દૂર છે અને આ વર્ષે ચોમાસામાં સારા વરસાદથી આ તળાવ પાણીથી ભરાઈ ગયું હતું. જો કે હાલ તળીયા ઝાટક જોવા મળી રહ્યું છે અને આ વિસ્તારમાં 50 થી વધુ કુવામાં પાણી ડુકી ગયા છે અને શિયાળુ પાકને પણ પાણી આપી શકાય તેમ નથી જેથી આ સાબલી ડેમના પાણીથી આ તળાવ ભરવામાં આવે તેવી માંગ સાથે ગ્રા.પ દ્રારા જૂનાગઢ સિંચાઈ વિભાગને રજૂઆત કરવામાં આવી છે.

સર્વે પણ થઈ ગયો
આ તળાવમાં પાણી ઠાલવવાને લઈ સર્વે પણ પૂર્ણ થઈ ગયો છે હવે માત્ર મંજૂરીની રાહ જોવાઇ રહી છે.