જૂનાગઢ:ઊનામાં કોરોના આવ્યો હોવાથી પ્રવેશ બંધ કરાયો

દેલવાડા, વાવરડા, સોનારીયામાં  કોરોનાના ચાર કેસ પોઝિટીવ આવ્યા બાદ ઊના મામલતદાર કચેરી દ્વારા આસપાસનાં ગ્રામ્ય વિસ્તાર તેમજ શહેરનાં અમુક વિસ્તારોને કન્ટેનમેન્ટ ઝોન જાહેર કરાયાં છે.  જેમાં ખંઢેરા, ના.માંડવી, જાખરવાડા, રામપરા, અંજાર,  વાવરડા, નાઠેજ, ભાચા, કંસારી,  કાંધી, સોનારી, ભાડાશી, કેસરીયા, કાજરડી સહિતનાં ગામોનો સમાવેશ થાય છે. જયારે ઊના શહેરમાં વિદ્યાનગર, બેંક સોસાયટી, હુડકો વસાહત , પારસ સોસાયટી, નવજીવન, દીવ સોસાયટી, મહાવીરનગર, જલારામનગર, વિક્રમનગર, ગોકુલનગર સહિતનાં તમામ વિસ્તારોનો પણ કન્ટેનમેન્ટ ઝોનમાં સમાવેશ થાય છે. અને લોકોની અવર-જવર પર પ્રતિબંધ છે.