મેસેજ વાયરલ:તાલાલા બંધની અફવાથી લોકો ઉમટ્યા, બજારમાં ભીડ જામી

તાલાલા શહેર આગામી 11 થી 17 મેં સુધી સંપૂર્ણ બંધ રહેશે તેવા મેસેજ વાયરલ થતા શહેર, ગામડામાંથી લોકો ચીજવસ્તુઓ ખરીદવા ઉમટી પડ્યા હતા.અને લોકોની ભીડ જોવા મળી હતી.આ અંગે મામલતદાર શેલેષભાઈ કાલસરીયાએ કહ્યું હતું કે બંધ રાખવાની કોઈ વાત નથી જાહેરનામા  મુજબ,સવારે 7 થી બપોરે 2 વાગ્યા સુધી દુકાનો ખુલ્લી રાખવાની છૂટ છે.તે મુજબ દુકાનો ખુલ્લી રાખી શકાશે. બંધની અફવા બાદ તાલાલા પીએસઆઈની બદલીની અફવા ફેલાઈ હતી.આ અંગે પીએસઆઈ ભુવાએ જણાવ્યું હતું કે હાલ બહારથી આવતા લોકોની સંખ્યા વધુ હોય જેથી ચીત્રોડ ચેક પોસ્ટ પર વધુ સમય ફરજ પર રહેવું જરૂરી છે.તેમજ ડેપ્યુટેશન પર આવેલ ડીવાયએસપી પ્રજાપતિની અમદાવાદ બદલી થતા જવાબદારી વધી છે.અને આ અફવાનું પણ ખંડન કર્યું હતું તેમજ ચેમ્બર ઓફ કોમર્સ ના હોદ્દેદારોએ પણ આ અફવાનું ખંડન કર્યું છે.
શહેર અને ગામડા માટે ખરીદીનો સમય અલગ
ગ્રામ્ય વિસ્તારમાંથી ખરીદી માટે આવતા લોકોએ સવારે 8 થી 12 સુધી ખરીદી કરવી અને શહેરના લોકોએ 12 થી 2 વાગ્યા સુધીમાં ખરીદી માટે આવવું જેથી કોરોના ના સંક્રમણને અટકાવી શકાય છે તેમ ચેમ્બર ઓફ કોમર્સ દ્રારા જણાવવામાં આવ્યું હતું.