ક્રાઇમ:રાજુલામાં મહિલાની હત્યા કેસમાં પતિ-પુત્રની ધરપકડ

છતડીયા રોડ પર ગુરૂકુળ પાછળ રહેતા ગભાભાઇ નાથાભાઇ સાંખટના ઘરે બે માસથી તેના માતાપિતા રહેવા માટે આવ્યા હતા. દરમિયાન રાત્રીના સમયે નાથાભાઇ અને તેમના પત્ની જીવુબેન સાથે માથાકુટ થઇ હતી જેને પગલે નાથાભાઇએ તેની પત્નીના માથામા લાકડીનો ઘા ઝીંકી દેતા તેને ગંભીર ઇજા પહોંચી હતી અને અમરેલી દવાખાનેથી  વધુ સારવાર માટે રિફર કરતી વખતે તેમનુ મોત થઇ ગયુ હતુ. નાથાભાઇ અને ગભાભાઇએ આ હત્યા અંગે પોલીસને કોઇ જાણ કરી ન હતી અને લાશની બારોબાર અંતિમવિધી કરી નાખી હતી. આ અંગે મૃતક જીવુબેનના બહેને બંને સામે રાજુલા પોલીસમા ફરિયાદ નોંધાવ્યા બાદ પોલીસે નાથાભાઇ અને તેના પુત્ર ગભાભાઇની ધરપકડ કરી છે.