કોરોના ઇફેક્ટ:સબ રજીસ્ટ્રાર કચેરીમાં 2 દિ'માં 47 દસ્તાવેજ થયા, 15 લાખની આવક,સવારે 10:30થી 5 કામગીરી ચાલે છે

પોરબંદર શહેરમાં સોમવારથી સબ રજીસ્ટર શરૂ થતા 2 દિવસમાં 47 દસ્તાવેજ નોંધણી કરવામાં આવી હતી, 2 દીવસમાં રૂ. 15 લાખની આવક થઈ છે. પોરબંદર જિલ્લો તંત્રએ ગત તા. 11 ને સોમવારથી સબ રજીસ્ટ્રાર કચેરી ચાલુ કરવાની છૂટ આપી હતી,જેમાં ઈ પેમેન્ટથી ઓનલાઇન નોંધણી ફી અને ઓનલાઇન ટોકન ફરજીયાત કરવામાં આવ્યું છે, 25 દસ્તાવેજોની જોગવાઈ કરી હતી,  સોમવારે 22 દસ્તાવેજો ની કામગીરી થઈ હતી, જેમાં રૂ. 4.50 લાખના સ્ટેમ્પ અને રૂ.62 હજાર નોંધણી ફી ની આવક થઈ હતી, જ્યારે ગઈકાલે મંગળવારે 25 દસ્તાવેજ ની કામગીરી માં રૂ. 8.11 લાખના સ્ટેમ્પ અને રૂ. 1.25 લાખની નોંધણી ફી ની આવક થઈ છે. સવારે 10:30 થી 5 સુધી કામગીરી ચાલે છે,તેમજ સેનેટાઈઝર નો ઉપીયોગ કરાવવામાં આવે છે તેવું એચ.જી. કુકડીયાએ જણાવ્યું હતું.