લોકડાઉન:ઓનલાઈન વેચાણ કરનાર કંપનીઓના ગોડાઉન સીલ કરો, વેપારીના હિત માટે ચેમ્બર ઓફ કોમર્સ દ્વારા તંત્રને રજુઆત કરાઈ

પોરબંદરમાં ઓનલાઈન વસ્તુઓનું વેચાણ કરતી કંપનીઓના ગોડાઉન સીલ કરવા અંગે ચેમ્બર ઓફ કોમર્સ દ્વારા તંત્રને રજૂઆત કરવામાં આવી હતી. પોરબંદરના ચેમ્બર ઓફ કોમર્સના પ્રમુખ જીગ્નેશભાઈ કારિયા દ્વારા કલેકટરને આવેદનપત્ર પાઠવી રજુઆત કરી એવું જણાવવામાં આવ્યું હતું કે શહેરમાં ઓનલાઇન વેપાર પર બેન્ડ કરી આપવું જોઈએ અને પોરબંદરના તમામ વેપારીઓ વતિ એવી માગણી કરવામાં આવી હતી કે શહેરમાં ઓનલાઇન વેચાણને બંધ કરાવી, પોરબંદરમાં ઓનલાઈન વેચાણની જે કાંઈ કંપની કામ કરતી હોય તે કંપનીના તમામ ગોડાઉનને સીલ મારી આપવું જોઈએ. ઓનલાઇન વેચાણને શહેરના લોકલ સ્થાનિક વેપારી ઓને થતું નુકસાન અટકાવવામાં સહકાર આપવો જોઈએ. અને હાલ લોક ડાઉન દરમિયાન પોરબંદર શહેરના તમામ વેપારીઓએ પોતાના જીવના જોખમે પોતાના શહેરના નાગરિકોને જરૂરિયાત મુજબની વસ્તુઓ પૂરી પાડેલ હોય ત્યારે આ તમામ વેપારીઓને પણ શુભેચ્છા પાઠવી હતી. અને ઓનલાઈન વેચાણ કરતી કંપનીઓના ગોડાઉન સીલ કરી દેવામાં આવે તેવી જીગ્નેશભાઈ કારીયાએ રજૂઆત કરી હતી.