ક્રાઈમ:વ્યાજે આપેલા 30 હજાર કઢાવવા યુવાનનું અપહરણ કરી માર માર્યો,જૂનાગઢ શહેરના ખલીલપુર રોડ પર બનેલી ઘટના

જૂનાગઢના એક યુવાને એક શખ્સ પાસે રૂ. 30 હજાર વ્યાજે લીધા હતા. આ રૂપિયા કઢાવવા વ્યાજખોરે પોતાના બીજા 4 સાગ્રીતો સાથે મળી તેનું અપહરણ કરી માર માર્યાની ફરિયાદ પોલીસમાં નોંધાઇ છે. આ બનાવ અંગેની પોલીસમાંથી પ્રાપ્ત વિગતો મુજબ, જૂનાગઢના દિવાન ચોક પાસે આવેલા ગનુભાઇના દવાખાના પાસે રહેતા આનંદ છગનભાઇ સરવૈયા (ઉ. 30) નામના યુવાને પંકજ મહિડા પાસેથી રૂ. 30 હજાર વ્યાજે લીધા હતા. આ રૂપિયા કઢાવવા પંકજે પોતાના કૃણાલ ઠેસિયા નામના સાગ્રીત સાથે મળી આનંદનું અપહરણ કરી તેને ખલીલપુર રોડ પર લઇ ગયા હતા. જ્યાં સામતભાઈ રાડા, સામતભાઈ રબારી, સંદિપ ઠેસિયા સાથે મળી તેને માર માર્યો હતો. બનાવ અંગે આનંદે પાંચેય શખ્સો સામે બી ડિવીઝન પોલીસમાં ફરિયાદ નોંધાવી છે.