સોમનાથની મુલાકાતે:ઉતરાખંડના રાજયપાલએ સોમનાથ મહાદેવને શીશ ઝુકાવ્‍યુ, મહાપૂજા કરી

આજે જગવિખ્‍યાત પ્રથમ આદિ જ્યોતિર્લીગ સોમનાથ મંદિરે ઉતરાખંડના રાજયપાલ શ્રીમતી બેબીરાની મૌર્ય આવી પહોંચતા સ્‍થાનીક તંત્ર અને મંદિર ટ્રસ્‍ટના અઘિકારીઓએ આવકાર્યા હતા. રાજયપાલ બેબીરાની મૌર્યએ મંદિરે જઇ સોમનાથ મહાદેવને શીશ ઝુકાવી તત્કાલ મહાપૂજા કરી ઘન્‍યતા પ્રાપ્‍ત કરી હતી. રાજયપાલનું સોમનાથ ટ્રસ્‍ટના જીએમ વિજયસિંહ ચાવડાએ મોમેન્‍ટો આપી શાલ ઓઢાડી સન્‍માન કર્યુ હતુ. આ તકે રાજયપાલ બેબીરાની મૌર્યએ મંદિરની વિશેષતાની જાણકારી મેળવી પ્રભાવિત થયા હતા.