રિનોવેશનની કામગીરી:અઢી હજાર વર્ષ જૂના ઉપરકોટ ફરતે અઢી હજાર કાંગરા, 2504 કાંગરા ફરી જીવંત બનશે

જૂનાગઢમાં હાલ ઉપરકોટના કિલ્લાનું રિનોવેશનનું કામ ચાલી રહ્યું છે. 2,72,490 ચોરસવારમાં પથરાયેલા ઉપરકોટના કિલ્લાનું કંઝર્વેશન, રિસ્ટોરેશન અેન્ડ ડેવોલોપમેન્ટની કામગીરી માટે 44.46 કરોડ રૂપિયા ફાળવાયા છે. આ કામગીરી માટે ગુજરાત પ્રવાસન નિગમ લિમીટેડને જવાબદારી સોંપાઇ છે. અઢી હજાર વર્ષ જૂના ઉપરકોટ ફરતે અઢી હજાર કાંગરા આવેલા છે. કાંગરા જર્જરીત હોય, તમામની ગણતરી કરી કાંગરા પર નંબરનો ટેગ લગાવવામાં આવ્યો છે. 2504 કાંગરાને ફરી જીવંત બનાવવામાં આવશે. કિલ્લાની સફાઇ વેળાએ જૂની કોતરણી કરેલા સ્તંભ, સ્તૂપ મળી આવ્યા છે. જે નમૂના પરથી આબેહૂબ કોતરણી કરવામાં આવશે.