સોશ્યલ ડિસ્ટન્સ જળવાયું નહીં:પ્રવાસન સ્થળો બનશે કોરોના સુપર સ્પ્રેડર

નાતાલનું પર્વ શું આવ્યું જાણે કોરોના નાબૂદ થઇ ગયો હોય તેમ પ્રવાસન સ્થળો પર પ્રવાસીઓની બેસુમાર ભીડ ઉમટી રહી છે. ખાસ કરીને જૂનાગઢના સક્કરબાગ પ્રાણી સંગ્રહાલય, રોપ-વે, ભવનાથ, ગિરનાર પર્વત,સાસણમાં સિંહ દર્શન વગેરે સ્થળોએ પ્રવાસીઓની લાંબી કતારો લાગી જાય છે. એક તરફ સરકારી તંત્ર કોરોનાની ગાઇડ લાઇનનું પાલન કરવા માટે આમ જનતાને પ્રેસર કરે છે.

ગાઇડ લાઇનનો જાણે અજાણ્યે ભંગ થતા સામાન્ય લોકો પાસેથી આકરો દંડ ઉઘરાવવામાં આવે છે. એટલું જ નહિ જાહેરનામા ભંગના કેસ પણ કરવામાં આવી રહ્યા છે. બીજી તરફ જ્યાં કોરોનાની ગાઇડ લાઇનનો મોટાપાયે ઉલાળ્યો થાય છે.