એજ્યુકેશન:આજથી યુનિવર્સિટીની ત્રીજા તબક્કાની પરીક્ષા શરૂ

જૂનાગઢની ભક્ત કવિ નરસિંહ મહેતા યુનિવર્સિટી દ્વારા ત્રીજા તબક્કાની પરીક્ષાની તૈયારી કરવામાં આવી રહી છે. 29 ડિસેમ્બર-મંગળવારથી પોસ્ટ ગ્રેજ્યુએટ સેમેસ્ટર 3ની એમએ, એમએસડબલ્યુ, એમકોમ, એમએડ, એમએસસી, એલએલએમ, એમઆરએસ વગેરેની પરીક્ષા શરૂ થશે. આ પરીક્ષા કુલ 11 કેન્દ્રોમાં લેવામાં આવશે જેમાં 2,078 છાત્રો પરીક્ષા આપશે. પરીક્ષા દરમિયાન કોરોનાની ગાઇડ લાઇનનું ચુસ્તપણે પાલન કરવામાં આવશે. દરમિયાન હાલ બીજા તબક્કાની ચાલતી પરીક્ષાના ચોથા દિવસે 30,044 માંથી 582 છાત્રો ગેરહાજર રહ્યા હતા. જ્યારે જૂનાગઢ અને સુત્રાપાડા ખાતે કોર્પોરેટ એકાઉન્ટ અને ઇંગ્લીશ વિષયમાં કુલ 3 કોપી કેસ નોંધાયા હતા.