વાતાવરણ:લઘુત્તમ તાપમાન સ્થિર રહ્યું પરંતુ મહત્તમ તાપમાન વધ્યું

જૂનાગઢમાં લઘુત્તમ તાપમાન સ્થિર રહ્યું હતું પરંતુ મહત્તમ તાપમાન 1.4 ડિગ્રી વધી 33 ડિગ્રીએ આવી જતા લોકોને ઠંડીની અસર વર્તાઇ ન હતી. શહેરમાં લઘુત્તમ તાપમાન રવિવારે 9.5 ડિગ્રી રહ્યું હતું જ્યારે સોમવારે 9.4 ડિગ્રી રહ્યું હતું. પરંતુ સાથોસાથ મહત્તમ તાપમાનમાં પણ વધારો થયો હતો. રવિવારે મહત્તમ તાપમાન 31.6 ડિગ્રી રહ્યું હતું જે સોમવારે 1.4 ડિગ્રી વધીને 33 ડિગ્રીએ પહોંચી જતા લોકોને ઠંડીને અસર વર્તાઇ ન હતી.

દરમિયાન સોમવારે લઘુત્તમ 9.4, મહત્તમ 33 ડિગ્રી તાપમાન રહ્યું હતું. જ્યારે ભેજનું પ્રમાણ સવારે 60 ટકા અને બપોર બાદ 18 ટકા રહ્યું હતું. દરમિયાન પવનની ઝડપ રવિવારે 4 કિમી પ્રતિ કલાકની રહી હતી જે સોમવારે 1 કિમી ઘટીને 3 કિમી થઇ ગઇ હતી. આમ, લઘુત્તમ તાપમાન સ્થિર રહ્યું હતું પરંતુ મહત્તમ તાપમાનમાં વધારો અને પવનની ઝડપમાં ઘટાડો થતા ઠંડીની અસર વર્તાઇ ન હતી.