સારાવાર:જૂનાગઢ રેલવેના આરપીએફ જવાને માનસિક અસ્થિરને હોસ્પિટલે ખસેડ્યો

જૂનાગઢના રેલવે સ્ટેશન પર એક માનસિક બિમાર વ્યક્તિ આવેલ હોવાની આરપીએફના હેડ કોન્સ્ટેબલ દોલતસિંહને જાણ થતા તેમણે ઇન્સ્પેકટર યશવંતકુમાર શર્માને જાણ કરી હતી. બાદમાં કોન્સ્ટેબલ કાનાભાઇ ભુવાને મોકલી આપેલ હતા. કાનાભાઇ ભુવાએ કરેલી તપાસ દરમિયાન બિમાર વ્યક્તિના પત્નિ આવી ગયા હતા અને જણાવ્યું હતું કે,

તેમના પતિનું નામ શૈલેન્દ્રકુમાર સિંહા છે, જે જેતલસર મુખ્યાલયના પેસેન્જર ગાર્ડ છે. તેમના પિતાનું અવસાન થતા માનસિક રીતે અસ્થિર થઇ ગયા છે. બાદમાં કાનાભાઇ ભુવાએ તેમને ભોજન કરાવી રાત્રીના 11 વાગ્યે 108 મારફતે સિવીલમાં સારવાર અર્થે દાખલ કરાવી માનવતાનું કાર્ય કર્યું છે.