અકસ્માત:ટ્રેક્ટર દિવાલ સાથે અથડાતા ઇજાગ્રસ્ત યુવાનનું મોત નિપજ્યું

જૂનાગઢમાં એક ટ્રેક્ટર ચાલકે સ્ટેયરીંગ પરનો કાબુ ગુમાવતા ટ્રેક્ટર દિવાલ સાથે અથડાયું હતું. અને ચાલકને ગંભીર ઈજા પહોંચતા મોત નિપજ્યું હતું. આ અંગેની પોલીસમાંથી મળતી વિગત મુજબ પોરબંદરના ખાપટમાં રહેતા ભીમાભાઈ ગીગાભાઈ ઓડેદરાએ જૂનાગઢ સી-ડિવીઝન પોલીસમાં નોંધાવેલી ફરિયાદ મુજબ રમેશભાઈ વીજાભાઈ ઓડેદરા (ઉ.વ.25, રહે. એરડા) પોતાના કબ્જા વાળુ ટ્રેક્ટર લઈને જૂનાગઢનાં ગાધીગ્રામ વિસ્તારમાં હનુમાન મંદિર પાસેથી પસાર થઈ રહ્યાં હતા. એ દરમિયાન રમેશભાઈએ સ્ટેયરીંગ પરનો કાબૂ ગુમાવતા ટ્રેક્ટર મકાનની દિવાલ સાથે અથડાયું હતું. અને રમેશભાઈને ગંભીર ઈજાઓ પહોંચતા મોત નિપજ્યું હતું. આ બનાવથી પરિવારજનોમાં શોકનું મોજુ ફરી વળ્યું હતું.