દીકરા સમાન દીકરી:માતાની અર્થીને કાંધ, અગ્નિદાહ આપી પુત્રીએ પુત્રની ફરજ બજાવી

જૂનાગઢમાં દિકરીએ માતાની અર્થીને કાંઘ અને અગ્નિદાહ આપી પુત્રની ફરજ અદા કરી છે. આ અંગે મળતી વિગત મુજબ મૂળ ધણફુલીયાના વતની અને હાલ જૂનાગઢ રહેતા કુસુમબેન (કાન્તાબેન) લક્ષ્મીશંકર પંડયાનું શુક્રવારે અવસાન થયું હતું. દરમિયાન કુસુમબેનને સંતાનમાં એકમાત્ર દિકરી જોશનાબેન હતા. ત્યારે દિકરી જોશનાબેન વિનોદરાય ભટ્ટે માતાની અર્થીને કાંઘ આપી હતી અને છેક સ્મશાન સુધી જઇ અગ્નિદાહ પણ આપી પુત્રની ફરજ અદા કરી હતી. આ તકે જમાઇ વિનયકુમાર ભટ્ટ અને દોહિત્ર કાર્તિક ભટ્ટે પણ મૃતક કુસુમબેનને કાંધ આપી હતી.

જ્યારે જોશનાબેન ભટ્ટે જણાવ્યું હતું કે, આ અગાઉ પણ મારા પિતા લક્ષ્મીશંકરભાઇ પંડયાનું અવસાન થતા કાંધ અને અગ્નિસંસ્કાર વિધી કરી હતી. અમારા માતા, પિતાએ દિકરા, દિકરીનો ભેદભાવ રાખ્યા વિના મારો પુત્રની જેમ જ ઉછેર કર્યો હતો ત્યારે મેં પણ મારા માતા પિતાને જીવ્યા ત્યાં સુધી સાથે જ રાખ્યા હતા અને મૃત્યુ બાદ અગ્નિદાહ આપી પુત્રની ફરજ અદા કરી છે.