હુકમ:અવાણિયા ગામના પોક્સોના આરોપીના જામીન ફગાવાયા

અવાણીયા ગામના પરેશ ઉર્ફે પ્રવીણ જીકાભાઇ ધાના સામે માળીયા હાટીના પોલીસ સ્ટેશનમાં પોક્સો સહિતની કલમનો ગુનો નોંધાયો હતો. દરમિયાન આરોપી કાચા કામના કેદી તરીકે જેલમાં હોય તેમણે પોતાના વકિલ એ.જે. રાવત દ્વારા 30 દિવસની જામીન અરજી કરી હતી. જામીન અરજીમાં જણાવાયું હતું કે,માતાનું અવસાન થયું હોય અને પિતાના પગનું ઓપરેશન કરાવ્યું હોય તેમના પગને ડ્રેસીંગ કરાવવા માટે જામીન આપવા અરજી કરી છે.

દરમિયાન સરકાર તરફેના એડીશ્નલ પીપી. જે.અેમ. દેવાણીએ જણાવ્યું હતું કે, પિતાના પગનું ઓપરેશન થઇ ગયું હોય હવે ડ્રેસીંગ કરાવવા અરજદારની જરૂર નથી. વળી, આરોપીની બળાત્કારના ગંભીર ગુનામાં સંડોવણી હોય જામીન મુકત કરવામાં આવે તો ફરી અદાલત સમક્ષ હાજર રહેવાની શક્યતા નથી જેથી કેસ વિલંબમાં પડી શકે છે. બાદમાં સ્પેશ્યલ પોક્સો અને પાંચમાં એડીશ્નલ સેશન્સ જ્જ પી.એમ. સાયાણીએ આરોપીની જામીન અરજી નામંજૂર કરી હતી.