આદેશ:જૂનાગઢનાં 1,00,000 લોકોને શુદ્ધ પાણી આપવાનું લક્ષ્યાંક, કામગીરી ઝડપથી કરવા અપાઇ સૂચના

જૂનાગઢમાં અમૃત યોજના અંતર્ગત ચાલતા પાણીના કામોની કમિશ્નર તુષાર સુમેરાએ મુલાકાત લીધી હતી. તેણે આ કામગીરી શક્ય એટલી ઝડપથી પુર્ણ કરવા સૂચના આપી છે. આ અંગે કમિશ્નર તુષાર સુમેરાએ જણાવ્યું હતું કે, શહેરમાં કુલ 70 કરોડના ખર્ચે અમૃત યોજના અંતર્ગત પીવાના પાણીના કામો કરવાના છે જેમાં 1,00,000 લોકોને શુદ્ધ પાણી મળે તેવો લક્ષ્યાંક છે.

હાલ ઉંચી અને નીચી ટાંકી, પમ્પિંગ સ્ટેશન, પાઇપ લાઇન બિછાવવી, કનેકશન આપવા સહિતની કામગીરી ચાલી રહી છે. ત્યારે આ કામગીરીનું નિરીક્ષણ કર્યું હતું તેમજ ધીમી કામગીરી કરનાર એજન્સીને ઝડપથી કામગીરી પુર્ણ કરવા સૂચના પણ અપાઇ હતી. વર્ષના અંત સુધીમાં 1,00,000 લોકોને પીવાનું શુદ્ધ પાણી મળે તેવા પ્રયાસો છે.