મગફળીની આવક:યાર્ડમાં ટેકાના ભાવ કરતા ઓછા ભાવે મગફળી વેંચાઇ, જૂનાગઢના માર્કેટીંગ યાર્ડમાં ખેડૂતો પોતાની જણસી વેંચવા માટે ઉમટી પડતા યાર્ડમાં વિપુલ માત્રામાં થઇ આવક

જૂનાગઢના દોલતપરા સ્થિત માર્કેટીંગ યાર્ડમાં ટેકાના ભાવે મગફળીની ખરીદી થઇ રહી છે તેમજ યાર્ડના વેપારીઅો પણ મગફળી ખરીદી રહ્યા છે. જોકે, યાર્ડમાં ટેકાના ભાવ કરતા ઓછા ભાવ હોવા છત્તાં મોટી સંખ્યામાં ખેડૂતોએ પોતાની મગફળી યાર્ડના વેપારીને વેંચી છે. ખાસ કરીને ટેકાના ભાવે મગફળી વેંચાણ કરવામાં ખેડૂતોને અનેક પ્રકારની મુશ્કેલી પડી રહી છે. પરિણામે ખેડૂતો ઓછા ભાવ હોવા છત્તાં ભાવની પરવા કર્યા વિના ખુલ્લામાં વેપારીઅોને પોતાની મગફળી વેંચી રહ્યા છે.

દરમિયાન જૂનાગઢ માર્કેટીંગ યાર્ડમાં ખેડૂતોએ ટેકાના ભાવ સિવાય યાર્ડના વેપારીઓને 71,152 ક્વિન્ટલ મગફળી વેંચી છે. આ ઉપરાંત પણ અન્ય જણસીનું વેંચાણ થઇ રહ્યું છે. પરિણામે યાર્ડ અનેક પ્રકારની જણસીથી ઉભરાઇ રહ્યું છે. દરમિયાન 21 ઓક્ટોબરથી ટેકાના ભાવે મગફળીની ખરીદી કરવામાં આવી રહી છે,જેનો 20 કિલોનો ભાવ 1055 છે. જ્યારે ખુલ્લામાં યાર્ડના વેપારીઓએ વધુમાં વધુ 1011 ભાવે મગફળી ખરીદી છે. જ્યારે એવરેજ ભાવ 850 નો રહ્યો હતો. જોકે, સૌથી નીચો ભાવ માત્ર 700 રૂપિયા રહ્યો હતો. આમ, સરકારના ટેકાના ભાવ 1055ની સામે યાર્ડના વેપારીઓને માત્ર 700 રૂપિયામાં પણ ખેડૂતો પોતાની મગફળી વેંચી રહ્યા છે.

યાર્ડમાં 25 દિમાં 1,02,800 ક્વિન્ટલ જણસની આવક
10 નવેમ્બરથી 3 ડિસેમ્બર સુધીના 25 દિવસમાં વિવિધ જણસી મળી યાર્ડમાં કુલ 1,02,800 ક્વિન્ટલની આવક થઇ છે. આમાં મગફળી 71,152 ક્વિન્ટલ, ધાણા 12,828 ક્વિન્ટલ, સોયાબીન 10,008 ક્વિન્ટલ અને ઘઉં 8,812 ક્વિન્ટલની આવક થઇ છે. આમ, 25 દિવસમાં કુલ 1,02,800 ક્વિન્ટલ જણસની આવક યાર્ડમાં થઇ છે.

માર્કેટીંગ યાર્ડમાં મગફળી, ધાણા, સોયાબીન, ઘઉંના આ ભાવ રહ્યા