રાજકારણ:પ્રથમ 2 દિવસ સુધી એકપણ પાર્ટીના સભ્યે ઉમેદવારી ફોર્મ રજુ ન કર્યા

જૂનાગઢ મહાનગરપાલિકાની વોર્ડ નંબર 6 અને 15ની યોજાનાર પેટા ચૂંટણી માટે ફોર્મ ભરવાનું શરૂ કરી દેવાયું છે. જોકે, પ્રથમ 2 દિવસ સુધીમાં એકપણ પાર્ટીના સભ્યોએ ઉમેદવારી ફોર્મ રજૂ કર્યા નથી. આ અંગે મળતી વિગત મુજબ વોર્ડ નંબર 6ના કોર્પોરેટર હાસાનંદભાઇ નંદવાણી અને વોર્ડ નંબર 15ના કોર્પોરેટર ડાયાભાઇ કટારાનું અવસાન થતા પેટા ચૂંટણી યોજાનાર છે. દરમિયાન ચૂંટણી તંત્ર દ્વારા જિલ્લા, તાલુકા પંચાયત, નગરપાલિકા અને મહાનગરપાલિકાની ચૂંટણી માટેની તારીખ જાહેર કરવામાં આવી છે. આમાં મહાનગરપાલિકાની ચૂંટણી માટે 1 થી લઇને 6 ફેબ્રુઆરી સુધી ચૂંટણી લડવા ઇચ્છુક ઉમેદવારોએ ઉમેદવારી પત્રક ભરવાના છે.