માર્ગદર્શન:2500થી વધુ ખેડૂતોએ ઓનલાઇન ઘઉંના પાક અંગેની માહિતી મેળવી

જૂનાગઢ કૃષિ યુનિવર્સિટી અને એચડીએફસી બેન્કના સંયુકત ઉપક્રમે ઘઉંની વૈજ્ઞાનિક ખેતી પદ્ધતિ અંગે વેબીનાર યોજાયો હતો. આ વેબીનારમાં 2,500થી વધુ ખેડૂતો જોડાયા હતા. આ તકે કૃષિ યુનિવર્સિટીના સહ સંશોધન વૈજ્ઞાનિક ડો. એ.જી. પાનસુરીયાએ જરૂરી માર્ગદર્શન આપ્યું હતું. ખાસ કરીને ઘઉંના વાવેતર માટે જમીનની તૈયારી,વાવણી, બિજની જાતો અંગે વૈજ્ઞાનિક ટેકનીકની જાણકારી આપી હતી. સાથોસાથ નીંદણની પણ જાણકારી આપી હતી. જ્યારે એચડીએફસી બેન્કના ગ્રામિણ બેન્ક ગૃપના હેડ રાજેન્દર કુમાર બબ્બરે વેબીનારમાં સહભાગી થયેલા ખેડૂતોને બેન્કની વિવિધ સુવિધા અંગે માહિતગાર કર્યા હતા. જ્યારે મુશ્કેલીમાં સહાય માટે બેન્ક કર્મી સાથે વાત કરવા ખેડૂતો માટે તૈયાર કરેલી ઇ કિશાન ઘન એપ્લીકેશન ડાઉન લોડ કરવા અનુરોધ કર્યો હતો. આ તકે બેન્કીંગ સેવા સાથે ઘઉંના વાવેતર સબંધી પ્રશ્ન અને જવાબનું સત્ર પણ યોજાયું હોવાનું એચડીએફસી બેન્કના યોગેશભાઇ ચોટલીયાએ જણાવ્યું હતું.