ખનીજ ચોરી:પ્લાસવામાં પાસેથી રૂપિયા 25 લાખની ખનીજ ચોરી ઝડપાઇ

જૂનાગઢના નજીકના પ્લાસવા ગામેથી જૂનાગઢ ખાણ ખનીજ વિભાગે 25 લાખની ખનીજ ચોરીનો મુદ્દામાલ ઝડપી પાડી છે. આ અંગે મળતી વિગત મુજબ પ્લાસવા ગામે ભૂસ્તરશાસ્ત્રીસુમિત ચૌહાણની સૂચનાથી ચેકીંગ હાથ ધરવામાં આવ્યું હતું. ખાસ કરીને ડ્રોન ઉડાડી ચેકીંગ કરતા ખનીજ ચોરી થતી હોવાનું નજરે પડ્યું હતું. બાદમાં ખાણ ખનીજ વિભાગે દરોડો પાડી લાઇમ સ્ટોન, જેસીબી નંબર જીજે 11 બીજે 1310 અને ડમ્પર નંબર જીજે 03 બીડબલ્યુ 9498 સહિતનો 25 લાખનો મુદ્દામાલ કબ્જે કર્યો છે. દરમિયાન ખનીજ ચોરી અંગેનો દંડ ભરવો પડશે. જો દંડ ભરવામાં નહિ આવેતો ખનીજ ચોરો સામે અેફઆઇઆર કરવામાં આવશે.