દુર્ઘટના:ગાંધીગ્રામ વિસ્તારમાં મોડી રાત્રીના ભેદી ધડાકો

જૂનાગઢના ગાંધીગ્રામ વિસ્તારમાં મોડી રાત્રીના ભેદી ધડાકો થયો હતો. અચાનક થયેલા ભયાનક અવાજથી લોકોમાં ભય સાથે કુતુહલ સર્જાયું હતું. સાથે લોકોમાં તરેહ તરેહની ચર્ચાએ જોર પકડ્યું હતું. આ અંગે મળતી વિગત મુુજબ શહેરના ગાંધીગ્રામ વિસ્તારમાં મંગળવારની રાત્રીના 10:20 વાગ્યા આસપાસ ભેદી ધડાકો થયો હતો. અચાનક થયેલા ભેદી ધડાકા જેવા અવાજથી લોકોમાં ભયનો માહોલ છવાઇ ગયો હતો. આસપાસની ઘરતી ધ્રુજી ઉઠી હતી અને કેટલાક લોકો ભયના માર્યા ઘરની બહાર દોડી આવ્યા હતા. ત્યારે આ ભયાનક અવાજ શેનો છે તે બાબતે લોકોમાં કુતુહલ સર્જાયું છે.