વ્યવસ્થા ઉભી કરવા માંગ:પ્રાંત કચેરીમાં પીટીશન રાઇટરો માટે વ્યવસ્થાનો અભાવ

જૂનાગઢ તાલુકા સેવા સદનમાં અરજદારો અને લાયસન્સી પીટીશન રાઇટરો માટે યોગ્ય વ્યવસ્થા ન હોય કલેકટરને આવેદન પત્ર પાઠવી વ્યવસ્થા ઉભી કરવા માંગ કરી છે. જૂનાગઢનાં લાયસન્સ ધરાવતા પીટીશન રાઇટરોએ જિલ્લા કલેકટરને આવેદન પત્ર પાઠવ્યું હતું., આદેવનમાં કહ્યું હતું કે,તાલુકા સેવા સદનમાં પ્રાંત અધિકારી, સીટી અને ગ્રામ્ય મામલતદાર બેસે છે.

અહીં મોટી સંખ્યામાં લોકો પોતાનાં કામ માટે આવી રહ્યાં છે. અહીં બેસવા માટે કોઇપણ જાતની કચેરીનાં મેદાન, લોબીમાં બેઠક વ્યવસ્થા કરવામાં આવી નથી. તેમજ લાયસન્સ ધરાવતા પીટીશન રાઇટરો માટે પણ બેઠક વ્યવસ્થા કરવામાં આવી નથી. વહેલી તકે અરજદારો તેમજ લાયસન્સ ધરાવતા પીટીશન રાઇટરો માટે વ્યવસ્થા ઉભી કરવામાં આવે તેવી માંગ છે. આ પહેલા એક રાઇટરનું ઉનાળામાં ગરમીનાં કારણે મૃત્યુ થયું હતું.