નિર્ણય:ઓનલાઈન છેંતરપીંડીના આરોપીની જામીન અરજી જૂનાગઢ કોર્ટે ફગાવી

મેંદરડા શહેરમાં એક મોબાઈલની દુકાન માંથી બે મોબાઈલ ખરીદી કરી કુલ રૂ.49,980 ઓનલાઈન ટ્રાન્ફર કરી આપ્યા છે, તેમ જણાવી ખોટા મેસેજ દુકાનદારને બતાવી આરોપી ભાવેશ વરજાંગ છાત્રોડીયા રહે. છાત્રોડા, ટીંબાવાડી વેરાવળ વાળાને પોલીસે ગુનો નોંધી છેંતરપીડીંના કેસમાં ઝડપી પાડ્યો હતો. જેને કોર્ટમાં રજૂ કરતા આરોપીના જામીનની માંગ કરવામાં આવી હતી. જામીન અરજી બાબતે વકીલ એન.કે. પુરોહીતે દલીલ કરતા જણાવ્યું હતું. કે આરોપી પર અન્ય પાંચ ગુનાઓ અગાઉ નોંધાયેલા છે. જે તમામ ગુનાઓ આઈપીસી કલમ 406, 420 મુજબ નોંધાયેલા છે.

જેથી આરોપીને મુક્ત કરવામાં આવે તો અન્ય ગનો કરવાની પ્રેરણા મળેશે અને હાલના સમયમાં દિન-પ્રતિદિન ઓનલાઈન ફ્રોડના કેસો વધતા જોવા મળે છે. જ્યારે આરોપીએ દુકાનદારને રૂપિયા ચુકવેલા હોય તે પણ પુરવાર થયું ન હતું. જેથી ગુનાહીત ઈતીહાસ ધરાવતા આરોપીના જામીન મજુર કરવામાં આવે તે ન્યાયના હિતમાં નથી. જ્યારે જજ બન્ને પક્ષની દલીલી સાંભળી આરોપી ભાવેશ વરજાંગની જામીન અરજી જજ રીઝવાન બુખારીએ ફગાવી જામીન ના મંજુર કરી હતી.