સારવાર:1 મહિનામાં શહેરના 250 ઘાયલ પશુ, પક્ષીઓને સારવાર અપાઇ

રાજ્ય સરકાર દ્વારા ઘાયલ પશુ, પક્ષીઓ માટે 1962 કરુણા હેલ્પલાઇન શરૂ કરવામાં આવી છે જેમાં ઘાયલ પશુ, પક્ષીની સ્થળ પર જઇ એમ્બ્યુલન્સ દ્વારા સારવાર આપવામાં આવી રહી છે. ત્યારે આ લોકડાઉનમાં પણ એમ્બ્યુલન્સની કામગીરી શરૂ રહી હતી અને અનેક પશુ, પક્ષીને સારવાર આપવામાં આવી રહી છે. જૂનાગઢ શહેરમાં એક જ એમ્બ્યુલન્સ છે જેના દ્વારા જૂનાગઢ શહેરમાં પશુ, પક્ષીઓને સારવાર આપવામાં આવે છે. 

સરકારની કરુણા હેલ્પલાઇનને લઈને અનેક ઘાયલ પક્ષીઓને નવું જીવતદાન
એમ્બ્યુલન્સના ડો.સંજય કુમારે જણાવ્યું હતું કે, લોકડાઉનમાં પણ પશુ, પક્ષીના ઘાયલ થવાના પણ ફોન આવ્યા છે અને જેને સ્થળ પર જ સારવાર આપવામાં આવી છે. એપ્રિલ મહિનામાં 250 જેટલા પશુ, પક્ષીઓને સારવાર આપવામાં આવી છે. લોકડાઉન વચ્ચે પણ કામગીરી શરૂ રહી હતી. સરકારની કરુણા હેલ્પલાઇનને લઈને અનેક ઘાયલ પક્ષીઓને નવું જીવતદાન મળ્યું છે.