ફૂડ વિભાગના દરોડા:દિવાળી પર્વેને લઇ ગીર સોમનાથ જીલ્‍લામાં ફૂડ વિભાગે ચેકીંગ ડ્રાઇવ હાથ ઘરી, 140 નમુના લઇ પૃથ્‍થકરણ માટે મોકલવા તજવીજ હાથ ઘરી

વેરાવળ3 મહિનો પહેલા
  • કૉપી લિંક
ચેકીંગ કરી રહેલ ફૂડ અઘિકારી અને સ્‍ટાફ - Divya Bhaskar
ચેકીંગ કરી રહેલ ફૂડ અઘિકારી અને સ્‍ટાફ
  • છેલ્‍લા અઠવાડીયાથી સમગ્ર જીલ્‍લામાં ફૂડ વિભાગની ટીમએ ફરસાણ-મીઠાઇની દુકાનોમાં ચેકીંગ હાથ ઘરી 150 કીલો ગ્રામ અખાઘ વસ્‍તુઓ કબ્‍જે લઇ નાશ કરી
  • આજે વેરાવળ અને તાલાલા શહેરોની દુકાનોમાં ચેકીંગ હાથ ધર્યુ

દિવાળી તહેવારોને અનુલક્ષીને ગીર સોમનાથ જીલ્‍લાના શહેરોમાં ફૂડ એન્‍ડ ડ્રગ વિભાગ દ્રારા ફરસાણ, મીઠાઈ, દુઘ અને ઘી નું વેંચાણ કરતા વિક્રેતાઓને ત્‍યાં છેલ્‍લા ચારેક દિવસથી ચેકીંગની કાર્યવાહી હાથ ઘરી છે. જે અંર્તગત આજરોજ જીલ્‍લા મથક વેરાવળ અને તાલાલા શહેરની દુકાનોમાં ચેકીંગ હાથ ઘરી નમુના લેવાની કાર્યવાહી કરવામાં આવી છે. છેલ્‍લા અઠવાડીયાથી જીલ્‍લામાં ચાલી રહેલ ચેકીંગ ડ્રાઇવ અંર્તગત કુલ 140 વઘુ નમુના લેવામાં આવેલ હોવાનું જાણવા મળેલ છે.

આગામી દિવસોમાં દિવાળી હોવાથી બજારોમાં લોકો મોટાપાયે ફરસાણ, મીઠાઈની ખરીદી કરતા હોય છે. આ પર્વના દિવસોમાં ફરસાણ-મીઠાઇના વેપારીઓને ત્‍યાં ખાસી ઘરાકી પણ જોવા મળતી હોય છે. જે તકનો લાભ લેવા અમુક ભેળસેળીયા તત્‍વો હલકી ગુણવતાના પદાર્થોનો ઉપયોગ કરી ફરસાણ અને મીઠાઇ બનાવી વેંચાણ કરવાની પેરવીમાં હોય છે. જેને ઘ્‍યાને લઇ ગીર સોમનાથ જીલ્‍લા ફૂડ એન્‍ડ ડ્રગ વિભાગએ છેલ્‍લા એક અઠવાડીયાથી સમગ્ર જીલ્‍લામાં ફરસાણ અને મીઠાઇની દુકાનોમાં ચેકીંગની ડ્રાઇવ હાથ ઘરી હતી. જે અંર્તગત ફૂડ વિભાગના સ્‍ટાફની ટીમએ આજરોજ જીલ્‍લા મથક વેરાવળની બજારોમાં તથા તાલાલા ગીરની બજારોમાં ફરસાણ, મીઠાઇ અને દુઘનું વેંચાણ કરતી દુકાનોમાં ચેકીંગની કાર્યવાહી હાથ ઘરી છે.

જીલ્‍લામાં કરેલ કામગીરી અંગે ફૂડ અઘિકારી પીયુષ સાવલીયાએ જણાવેલ કે, દિવાળી તહેવાર નજીકમાં હોવાથી લોકોને સારી ગુણવતાવાળુ ફરસાણ અને મીઠાઇ મળી રહે તે હેતુસર સમગ્ર જીલ્‍લામાં ચેકીંગ ડ્રાઇવની કામગીરી હાથ ઘરી છે. જે કામગીરીમાં અત્‍યાર સુઘીમાં જિલ્લામાંથી ફરસાણના 70, મીઠાઈના 40, દુધના 10, ઘી ના 6, મસાલાના 10 મળી કુલ 140 થી વઘુ નમુના લેવામાં આવ્‍યા છે. જે નમુનાઓને પૃથ્‍થકરણ માટે લેબોરેટરીમાં મોકલવા તજવીજ હાથ ઘરવામાં આવી છે. ચેકીંગ દરમ્‍યાન જુદી જુદી દુકાનોમાંથી 150 કીલોગ્રામ અખાદ્ય વસ્તુઓ કબ્‍જે કરી નાશ કરવામાં આવી છે.

અન્ય સમાચારો પણ છે...