કોરોના મહામારી:સોરઠમાં કોરોનાની ફરી ફિફટી, 46 દર્દીઓને ડિસ્ચાર્જ કરાયા

જૂનાગઢએક વર્ષ પહેલા
  • કૉપી લિંક
  • જૂનાગઢ જિલ્લામાં અત્યાર સુધીના કુલ કેસ 2,301

સોરઠમાં કોરોનાનો કહેર હજુ પણ બરકરાર રહ્યો છે. ગુરૂવારે આવેલા કોરોનાના કેસ ફરી એક વખત પચાસે પહોંચ્યા છે, જ્યારે 46 દર્દી સ્વસ્થ થયા છે. દરમિયાન જૂનાગઢ જિલ્લામાં અત્યાર સુધીમાં આવેલ કુલ કેસની સંખ્યા 2,301 એ પહોંચી છે. ગુરૂવારે આવેલા કેસ પર નજર કરીએ તો જૂનાગઢ જિલ્લામાં કોરોના પોઝિટીવના વધુ 37 કેસ નોંધાયા છે, જેમાંથી 18 કેસ માત્ર જૂનાગઢ સિટીના છે. જ્યારે મેંદરડામાં 4 કેસ, કેશોદ અને ભેંસાણમાં 3 - 3 કેસ, જૂનાગઢ, માણાવદર અને વિસાવદરમાં 2 -2 કેસ તેમજ માળીયા હાટીના, માંગરોળ અને વંથલીમાં 1 -1 કેસ નોંધાયા છે. જ્યારે 36 દર્દી સ્વસ્થ થતા તેને ડિસ્ચાર્જ કરવામાં આવ્યા છે. દરમિયાન જૂનાગઢ જિલ્લામાં હાલ 292 કન્ટેઇનમેન્ટ ઝોનમાં 2,731 ઘરોના 10,318 લોકોનો સમાવેશ થાય છે. જ્યારે ગિર સોમનાથ જિલ્લામાં 13 નવા કોરોના પોઝિટીવ કેસ નોંધાયા છે અને 10 દર્દી સ્વસ્થ થતા તેને ડિસ્ચાર્જ કરવામાં આવ્યા છે.

અન્ય સમાચારો પણ છે...