આગ અકસ્માત:GIDC માં ગેસના ગોડાઉન પાસેના કચરામાં ભીષણ આગ

જૂનાગઢ શહેરના જીઆઇડીસી વિસ્તારમાં આવેલ ગેસના ગોડાઉન પાસેના કચરામાં ભીષણ આગ ભભૂકી ઉઠી છે જેને બુઝાવવા ફાયર ટીમ દ્વારા પ્રયાસ કરવામાં આવી રહ્યા છે. આ અંગે મળતી વિગત મુજબ શહેરના જીઆઇડીસી પાસે ગેસના ગોડાઉન નજીક ડમ્પિંગ ગ્રાઉન્ડ આવેલું છે. અહિં કચરાના ઢગમાં બુધવાર રાત્રીના 9 વાગ્યાથી આગ લાગી હતી જે ગુરૂવાર બપોર સુધી કાબુમાં આવી ન હતી.

આગના કારણે શહેરના આકાશમાં ધૂમાડાના ગોટે ગોટા ચડયા હતા જે દૂર દૂર સુધી દેખાતા હતા. ઘટનાની જાણ થતા ફાયર ટીમના 3 શિફ્ટના કર્મીઓ આગ બૂઝાવવા સતત દોડધામ કરી રહ્યા છે. અત્યાર સુધીમાં ફાયરની ગાડીના 9 ફેરા તેમજ 3 ટેન્કરના ફેરા મળી કુલ 60,000 લીટરથી વધુ પાણીનો મારો ચલાવાયો છે. જોકે, અંદર રહેલા પ્લાસ્ટિકના કચરાના કારણે આગ બુઝાવવામાં વિલંબ થઇ રહ્યો છે.