• Gujarati News
  • Local
  • Gujarat
  • Junagadh
  • Even Before The Official Start Of Leeli Parikrama, The Parikrama Gate Was Opened As More Than One Lakh Pilgrims Arrived At Bhavnath.

પરિક્રમા પહેલા લાખો યાત્રાળુઓ ભવનાથમાં:લીલી પરિક્રમા વિધિવત રીતે શરૂ થાય તે પહેલાં જ એક લાખથી વધુ યાત્રાળુઓ ભવનાથ ખાતે આવતા પરિક્રમાનો ગેટ ખોલાયો

જુનાગઢએક મહિનો પહેલા

ગિરનારના જંગલમાં વર્ષોથી યોજાતી જૂની લીલી પરિક્રમા આમ તો વિધિવત રીતે દેવ દિવાળી અને અગિયારસની મોડી રાત્રે થી સાધુ સંતો અને તંત્રના સહયોગથી પ્રારંભ થતો હોય છે પરંતુ કોરોનાના કપરા સમય ગયા બાદ લોકોને પ્રકૃતિનો આનંદ માણવા માટે હવે લોકોમાં કોઈ ડર નથી. જેને લઇ પરિક્રમામાં લોકોની ભીડ વધતી જાય છે.અને ભવનાથ ખાતે લોકોનો અવિરત પ્રવાહ દિવસેને દિવસે વધતો જોવા મળી રહ્યો છે.

લીલી પરિક્રમા આ વર્ષે તારીખ 4 દેવ દિવાળી ની મોડી રાત્રેથી વિધિવત રીતે પ્રારંભ કરવામાં આવશે પરંતુ યાત્રાળુઓના સતત વધતા પ્રવાહને ધ્યાને રાખી યાત્રાળુઓને કોઈપણ પ્રકારની મુશ્કેલી ન પડે અને જંગલ તરફ વધુ ભીડ ન થાય તે બાબતને ધ્યાનમાં લઈ એક લાખથી વધુ યાત્રાળુઓ ભવનાથ ખાતે આવી પહોંચતા તંત્ર દ્વારા રહેલી સવારે પરિક્રમા રૂટ પરનો પ્રવેશ ગેટ ખોલવામાં આવ્યો હતો. આ બાબતે પરિક્રમામાં આવનાર યાત્રાળુ એ પણ તંત્રનો આભાર માન્યો હતો.

ગિરનારની પરિક્રમામાં પહેલાના સમયમાં ભોજન માટે પણ યાત્રાળુઓ દ્વારા શાકભાજી ,મસાલા ,લોટ ,તેમજ રાસન અને ભોજનની સામગ્રી સાથે લઈ જવામાં આવતી હતી. પરંતુ હવે પરિક્રમામાં અન્ન ક્ષેત્રો ભોજનની વ્યવસ્થા વિનામૂલ્યે પૂરી પાડી રહ્યા છે ત્યારે યુવા વર્ગ પણ દર વર્ષે પરિક્રમામાં બહોળી સંખ્યામાં જોવા મળે છે.. પરિક્રમા રૂટ પર 5 લીટરની પાણીની 10 ટાકી મુકવામાં આવી છે. ભવનાથમાં 10 હાઇમાસ્ટ ટાવર, એલઇડી, મેટલ લાઇટ, 3 સ્થળે જનરેટર સેટ ગોઠવવામાં આવ્યા છે તેમજ સફાઇ માટે 75 કર્મચારીઓનો સ્ટાફ હાજર રહેશે.પરિક્રમાના રૂટ પર સ્થળે પે એન્ડ યુઝ ટોઇલેટ મુકવામાં આવ્યા છે તેમજ આરોગ્ય ટીમ દ્વારા 08ની 3 એમ્બ્યુલન્સ, 6 અન્ય એમ્બયુલન્સ મુકવામાં આવશે. પહેલા લીલી પરિક્રમામાં વધુ પડતા વયો વૃદ્ધ લોકો આવતા હતા. પરંતુ સમયના બદલાવ સાથે પ્રકૃતિનો આનંદ માણવા માટે યુવાનો પણ લાખોની સંખ્યામાં પરિક્રમામાં આવે છે. તો તંત્ર દ્વારા વધુમાં એ પણ જણાવવામાં આવ્યું હતું કે હજુ તો માત્ર પરિક્રમાને એક દિવસ બાકી છે ત્યારે જ લાખોની સંખ્યામાં યાત્રાળુઓ આવવાના શરૂ થઈ ગયા છે ત્યારે આ વર્ષે પરિક્રમામાં 15 લાખથી વધુ યાત્રાળુ આવવાની સંભાવના દર્શાવાઈ રહી છે.

અન્ય સમાચારો પણ છે...