સિંહનું મોત:દેવળિયા સફારી પાર્કમાં વૃદ્ધ સાવજે અંતિમ શ્વાસ લીધા, મે 2020 માં કેરંભાથી રેસ્ક્યૂ કરાયો હતો

દેવળિયા સફારી પાર્કમાં થોડા વખત પહેલાંજ લાવવામાં આવેલા વૃદ્ધ સિંહનું મોત થયું છે. આ સિંહને ડેડકડી રેન્જના કેરંભા રેવન્યુ વિસ્તારમાંથી ગત મે માસ દરમ્યાન રેસ્ક્યુ કરાયો હતો. દેવળિયા સફારી પાર્કમાં ગત રાત્રે એક 12 વર્ષથી વધુ વયના સિંહનું વૃદ્ધાવસ્થાને લીધે મોત નિપજ્યું છે. આ સિંહને પાર્કના મુખ્ય પાંજરામાંજ રખાયો હતો. આ સિંહને ગિર પશ્ચિમ વનવિભાગ હેઠળની ડેડકડી રેન્જના કેરંભા રાઉન્ડના રેવન્યુ વિસ્તારમાંથી તા. 23 મે 2020 ના રોજ રેસ્ક્યુ કરવામાં આવ્યો હતો. એમ સીસીએફ ડી. ટી. વસાવડાએ જણાવ્યું હતું.